Imbes na tigil-pasada ay iba’t ibang uri ng protesta ang isinagawa ngayong araw ng pagkakaisa ng mga samahan ng tsuper at operator nationwide o PISTON sa iba’t ibang panig ng Metro Manila.
Bilang protesta ito sa patuloy na pagtaas ng presyo ng langis na nagbunsod ng hirap sa mga tsuper.
Sa panayam ng DWIZ, sinabi ni piston president Mody Floranda na nakausap nila ang Alliance of National Transport Coalition para sa kilos-protestang sinimulan kaninang umaga.
Maliban sa Blumentritt na pangunahing venue ng gawain, nagkaroon din ng kilos-protesta sa iba’t ibang panig ng Metro Manila.—sa panulat ni Abby Malanday