Puspusan na ang preparasyon ng Kilusang Mayo Uno o KMU at iba pang makakaliwang grupo para sa kaliwa’t kanang kilos protesta sa Labor Day sa Miyerkules, Mayo 1.
Pininturahan na ng KMU ang kanilang gagamiting effigy ni Pangulong Rodrigo Duterte na tinawag nilang “Dutertemonyo” na dadalhin sa kanilang demonstrasyon.
Partikular na mag-ma-martsa ang KMU kasama ang ilan pang makakaliwang grupo sa Welcome Rotonda sa Quezon City, Mendiola at Liwasang Bonifacio sa Maynila.
Magugunitang isinapubliko ng grupo ang kanilang bersyon ng matrix na tinawag nilang “anti-worker matrix” o listahan ng mga personalidad na sanhi umano ng paglala ng sitwasyon ng mga manggagawa sa bansa.
