Kinukunsidera ng Malacañang ang pagpapatapon sa malalayong isla sa mga high profile inmates mula sa Building 14 ng NBP o New Bilibid Prison.
Nakakulong sa Building 14 ang mga kilalang drug lords at nabibilang sa level 5 o miyembro ng pinaka-notorious drug syndicate.
Ayon kay Justice Secretary Vitaliano Aguirre, isa ang Caraballo Island o malayong isla sa palawan na pinag-aaralan nilang pagdalhan ng drug lords dahil walang signal ng cellphone dito kayat hindi makakapagsagawa ng operasyon ang mga ito.
Kundi uubra sa mga isla, ipinabatid ni Aguirre sa Malacañang na maaaring ilipat sa Tanay, Rizal sa kulungan ng ISAFP ang mga hard core drug lord.
By Judith Larino | Aileen Taliping (Patrol 23)