Umapela sa mga awtoridad ang German hostage ng Abu Sayyaf na ibigay na ang hinihinging 30 million pesos na ransom para hindi mapugutan ngayong buwan.
Sa video na inilabas ng mga bandido nagsusumamo ang 70-taong gulang na si Jurgen Kantner na ibigay na ang ransom para hindi matuloy ang itinakdang execution niya sa February 26, alas 3:00 ng hapon.
Makikita sa video si Kantner na napapaligiran ng mga armadong kalalakihan.
Gayunman naninindigan ang militar sa posisyon nitong no ransom at walang negosasyon sa mga teroristang grupo subalit patuloy ang mahigpit na operasyon para masagip ang German national.
Ayon kay Armed Forces of the Philippines (AFP) Public Information Office Chief Col. Edgard Arevalo bina-validate pa nila ang authenticity ng nasabing video.
By Judith Larino
