Binabalangkas na ng Department of Justice (DOJ) ang petisyong ihahain sa Korte para sa ganap na pagdeklara sa Communist Party of the Philippines – New People’s Army (CPP – NPA) bilang teroristang grupo.
Kasunod na din ito ng proklamasyon ng Pangulong Rodrigo Duterte na nagde – deklara sa CPP – NPA bilang teroristang grupo dahil sa paghahasik ng karahasan, takot at pagkabahala sa publiko.
Gayunman, sa ilalim ng Section 17 ng Human Security Act o Republic Act 9372, kinakailangang dumaan sa Korte ang pag – kunsidera sa isang organisasyon bilang teroristang grupo para mabigyan ng pagkakataon ang nasabing organisasyon na maipagtanggol ang kanilang panig.
Planong maihain ng DOJ bago mag – Disyembre 11 ang mababalangkas na petisyon nang bubuuing panel ng National Prosecution Service sa ilalim ng Office of the Prosecutor General sa Regional Trial Court (RTC).
