Tiniyak ng DOH o Department of Health na sapat ang mga gamot para sa mga residenteng lubhang naapektuhan ng bagyong Urduja.
Ayon kay Health Secretary Francisco Duque the Third , aabot na sa mahigit apat na milyong Pisong halaga ng mga gamot ang kanilang naipamahagi para sa mga biktima ng bagyo partikular na sa Biliran.
Sa ngayon aniya ay nasa 54 na pasyente ang kanilang ginagamot sa mga health unit sa mga probinsyang sinalanta ng bagyo.
Nakatakda namang dumating sa Eastern Visayas ang grupo mula sa Cebu ngayong araw para magbigay ng karagdagang tulong sa Regional-DOH para sa mga biktima ni “Urduja.”