Nagpalabas ng freeze order ang Court of Appeals laban sa mga bank accounts at properties ng drug lord na si Roland “Kerwin” Espinosa Jr.
Bukod dito, hindi rin maaaring galawin sa loob ng 6 na buwan ang mga bank assets at ari-arian ng yumaong si dating Albuera Mayor Rolando Espinosa, misis ni Kerwin na Hazel Mago, at kapatid na si Mariel espinosa at driver na si Abdul Khan.
Ang freeze order ay inisyu ng appellate court kasunod ng ex-parte petition na inihain ng anti-money laundering council o AMLC dahil sa hinalang ito’y naipundar mula sa drug operations.
Sakop din ng kautusan ang mga bank accounts ni Mayor Espinosa na mayroong halos 50 transaksiyon na nagkakahalaga ng hanggang P97 million, cash deposits na P13.9 million, at check deposits na P30.8 Million.
By: Jelbert Perdez
