Naniniwala si NBN-ZTE deal whistleblower Rodolfo “Jun” Lozada na pawang mga tiwaling opisyal lamang ang naglalaban sa issue ng flood control scandal.
Ganito inilarawan ni Lozada ang gumugulong na imbestigasyon ng gobyerno sa mga kwestiyunable at guni-guning proyekto na nagsanga-sanga na mula Kongreso hanggang Malacañang.
Aminado rin ang dating hepe ng Philippine Forest Corporation na humantong na ang Pilipinas sa puntong tila mas dumarami at pinapanigan ang mga gumagawa ng mali kumpara sa tama
Samantala, diskumpiyado naman si Lozada kung mararanasan sa panahong ito ang pagbabago sa gobyerno at lipunan ng Pilipinas hangga’t walang pagkakaisa ang sambayanan.
Kahit din anya magpalit ng lider at hindi naman magbabago at matutuldukan ang bulok na sistema ay walang kahihinatnan ang ipinaglalaban ngayon ng mga nananawagan ng reporma kaya’t ipinauubaya na niya sa Diyos ang kapalaran ng bansa.
