Dalawandaang limampu’t dalawa sa tinatayang sampung libong infrastructure projects na ininspeksyon ng Armed Forces of the Philippines ang ‘ghost projects’.
Kinumpirma ito ni AFP spokesperson Colonel Francel Margareth Padilla, kung saan nakasama aniya nila sa mga isinagawang inspeksyon ang Philippine National Police.
Sinabi ni Col. Padilla na aabot sa tatlumpung libong proyekto ang iniatas sa kanila para inspeksyunin.
Ania, isusumite ng AFP at PNP ang kumpletong reports mula sa pag-iinspeksyon sa Independent Commission for Infrastructure.
Nabatid na inatasan ang AFP at PNP na inspeksyunin ang mga infrastructure projects para mapabilis ang imbestigasyon sa sinasabing korapsyon sa bansa.
