Pasok na sa finals ng America’s Got Talent ang Fil-Am singer na si Angelica Hale.
Sa results night o kaninang umaga sa Pilipinas ng nasabing reality talent search, ang 9-taong gulang na Pinay ang pinaka-unang nakapasok sa finals.
Mula sa 11 semi-finalists, lima ang umusad sa finals ng AGT na gaganapin sa susunod na linggo.
Magugunitang sa kaniyang semi-final performance kahapon, muling pinabilib ni Hale ang mga hurado sa kaniyang bersyon ng “Without You” ni Usher.
Isa rin si Hale sa mga nabigyan ng golden buzzer sa AGT dahil sa special rendition nitong Girl on Fire ni Alicia Keys kung saan binigyan pa ito ng standing ovation ng mga judge.
—-