Desisyon na ng mga magulang at guro kung hihikayatin ng mga ito ang mga estudyante na magsuot pa rin ng face mask.
Ito’y ayon kay ACT-Teachers Party-List Rep. France Castro, makaraang payagan ng Department of Education (DEPED) ang boluntaryong pagsusuot ng face mask sa pagsisimula ng full implementation ng face-to-face classes sa mga pampublikong paaralan.
Gayunman, iginiit ni Castro na mainam pa rin na magsuot ng face mask lalo’t nariyan pa rin ang banta ng COVID-19.
Sinabi pa ni Castro na makatutulong ang pagdaraos ng limang araw na in-person classes para sa learning recovery ng mga bata.