Muling ipina-alala ng Department of Transportation sa publiko na hindi na kailangan ng face shield tuwing sasakay sa pampublikong transportasyon sa mga lugar na nasa ilalim ng alert level 1 hanggang 3.
Ito, ayon kay Transportation Undersecretary Artemio Tuazon, Jr., ay alinsunod sa direktiba ng IATF na boluntaryo na lamang ang pagsusuot ng face shield sa mga nasabing lugar.
Gayunman, dapat pa rin anyang magsuot ang mga commuter ng face masks habang mananatili sa 70% ang passenger capacity sa mga public utility vehicle.
Bukod ito sa iba pang mga ipinagbabawal tulad ng pag-u-usap at pagkain sa loob ng puv. —sa panulat ni Drew Nacino