Pansamantala munang hindi tatanggap ng mga bagong pasyente ang pamunuan ng Jose Fabella Memorial Hospital sa lungsod ng Maynila.
Sa abiso ng pamuan ng ospital, pinayuhan nito ang mga bagong pasyente na sa iba munang ospital magpa-admit.
Paliwanag ng ospital, may ilan silang mga doktor ang dinapuan ng coronavirus disease 2019 (COVID-19).
Pagsisiguro ng ospital na patuloy nilang kakalingain ang mga pasyenteng kasalukuyang naka-admit dito.
Isasailalim naman sa swab testing ang lahat ng mga health workers ng ospital para matiyak ang kaligtasan ng bawat isa.
Samantala, muling maglalabas ng abiso ang Fabella Hospital kung kailan sila muling tatanggap ng pasyente. —ulat mula kay Aya Yupangco (Patrol 5)
