Nakakulong na sa PNP Custodial Center sa Kampo Crame ang dating team leader ng PNP AIDG o Anti-Illegal Drugs Group sa Region 3 na si Supt. Rafael Dumlao.
Ito’y makaraang ipag-utos ng Angeles City RTC o Regional Trial Court ang pag-aresto kay Dumlao kaugnay sa pagdukot at pagpatay sa Koreanong negosyante na si Jee Ick Joo nuong Oktubre ng isang taon.
Nilagdaan mismo ni Angeles City RTC branch 58 Judge Ireneo Pangilinan Jr ang warrant of arrest laban kay Dumlao sa kasong kidnapping with homicide at walang inirekumendang piyansa hinggil dito.
Sinasabing restricted to barracks si Dumlao sa PNP headquarters support services sa Kampo Crame bago magpalabas ng arrest warrant ang korte laban sa nasabing opisyal ng pulisya.
By: Jaymark Dagala / Bert Mozo / Jonathan Andal