Humingi ng paumanhin si Pangulong Rodrigo Duterte sa mga negosyanteng sina Ayala at Manny V. Pangilinan makaraang batikusin ito ng pangulo sa gitna ng coronavirus disease 2019 (COVID-19) crisis.
Ang naging pahayag ng pangulo ay bunsod sa umano’y ‘onerous deals’ na nakuha ng mga ito sa water distribution sector.
Sa televised address ng pangulo, pinasalamatan din nito ang mga negosyante sa pagtulong at sa mga ambag nito , para matugunan ang mga pangangailangan ng bansa sa naging epekto ng umiiral na enhanced community quarantine (ECQ) dahil sa banta ng virus.
Kasunod nito, iginiit ng pangulo, handa aniya siyang makitungo ng maayos at makipag-usap sa mga nakaalitang negosyante.
