Magbibitiw na sa puwesto si Department of Trade and Industry (DTI) Secretary Gregory Domingo sa susunod na buwan.
Ayon sa source ng pahayagang The Philippine Star, ito ay dahil na- burn out na o napundi na si Domingo kaya iiwan na nito ang ahensya.
Kabilang si Domingo sa mga miyembro ng gabinete na pinapurihan ng business community dahil sa maayos nitong performance bilang kalihim.
Sinasabing sa unang linggo ng Oktubre ay epektibo na ang pagbibitiw ni Domingo ngunit nanatili pa ring blangko kung sino ang papalit dito.
Wala pa naman ipinapalabas na kumpirmasyon si Domingo at maging ang Malacañang sa balitang ito.
By Rianne Briones
