Walang nakikitang legal na balakid ang Department of Justice (DOJ) sa nakatakdang pagbubukas muli ng imbestigasyon ng senado sa Mamasapano incident sa mga kasong nakasampa sa kagawaran na may kaugnayan dito.
Ayon kay Justice Spokesman Undersecretary Emmanuel Caparas, hindi nila alam kung may bagong ebidensya na maaaring isiwalat sa gagawing reinvestigation.
Gayunman, sinabi ni Caparas na maaaring magkaroon ng epekto sa mga nakabinbing kaso sa DOJ ang reinvestigation ng senado kung maituturing na earth shaking ang mga bagong impormasyon at ebidensya na isisiwalat sa nasabing senate inquiry.
By Meann Tanbio | Bert Mozo (Patrol 3)