Hinimok ng Department of Health ang publiko na iwasang husgahan ang healthcare worker na nagkamali sa pagtuturok ng COVID-19 vaccine sa Makati City.
Aminado si Health Undersecretary at Spokesperson Maria Rosario Vergeire na nagkamali ang nasabing health care worker dala na marahil ng pagod.
Gayunman, hindi anya ito dahilan upang pag-initan ng publiko lalo sa social media ang mga nagtuturok ng bakuna.
“Let us not try to crucified our health care worker nagkakamali po tayong so sana po maintindihan po nating at unawain po natin ang pinakaimportante po we will able to rectify nabigyan ulit ng bakuna yun pong dapat mabigyan ng bakuna at sa mga sususnod na panahon sana po ano maiiwasan na po natin ang ganitong insidente.”
Ayon kay Vergeire, dahil sa nasabing insidente ay lilimitahan na lamang nila ang trabaho ng mga health care worker sa mga vaccination site upang makapagpahinga.
“There should be overseers or supervisors within each vaccination sites going around and trying to monitor and observed kung ano po ang mangyayari sa bawat station sa pagbabakuna, pangalawa we can do administrative protocol katulad po na lets limit the time of our healthcare workers to just specific to 8 hours, huwag ho nating palagpasin.” si Usec. Vergeire. —Panulat ni Drew Nacino