Muling itinanggi ni Davao City Mayor Sara Duterte-Carpio na tatakbo siya sa pagka-pangulo sa 2022 National Elections.
Taliwas ito sa iginigiit ng Malakanyang na nais umano ni Pangulong Rodrigo Duterte na sumunod sa kanyang yapak ang anak na si Mayor Inday.
Ayon sa Alkalde, tutol ang kanyang mga magulang na sumabak siya sa Presidential Election sa susunod na taon.
Dalawang beses na anya nilang napag-usapan ng kanyang mga magulang sa nakalipas na ilang buwan ang issue sa pulitika at pinanindigan ng mga ito ang kanilang pagtutol.
Una nang inihayag ni Presidential Spokesman Harry Roque na minsang ipinahiwatig ni Pangulong Duterte na nais nitong tumakbo sa pagka-presidente si Mayor Sara. —Panulat ni Drew Nacino
