DOH pinayuhan ang publiko na  huwag makipag diskusyon sa mga pasaway na naninigarilyo

Pinayuhan ni Health Assistant  Secretary Dr. Eric  Tayag  ang  publiko na  huwag  awayin o makipagdiskusyon sa  mga  pasaway  na  naninigarilyo   tulad  ng  mga  driver sa  mga   pampublikong  jeep.

Sinabi sa  DWIZ  ni  Tayag  na  sa  halip  makipagtalo  o kaya  ay  kunan ng video ang  mga  pasaway na  sunog  baga  ay  kunin na  lamang  ang  Plate  Number  ng  kanilang  sasakyan at  ruta   at  ireport sa  mga  lokal  na  pamahalaan.

Hindi gugustuhin  ng  DOH  na  mapahamak ang  publiko  lalo na  kung  ang  sasawayin ay  mga  pilosopo  at  mga  mahilig  makipag-away.

Sinabi pa  ng  opisyal  na  umaasa  silang   magtagumpay  ang   kampanya  lalo na  kung  makikipagtulungan  ang  mamamayan   lalo na ang  mga  may adbokasiya  laban sa   paninigarilyo.

By: Aileen Taliping

Comments

comments