Kumpiyansa ang Department of Health (DOH) na maipatutupad pa rin ang mahigpit na COVID-19 quarantine protocols sa Baguio City.
Ang pahayag ay ginawa ni Health Undersecretary Rosario Vergeire matapos payagan ng Inter-Agency Task Force (IATF) ang pagbubukas ng mga hotel sa lungsod para sa mga turista at leisure travelers.
Gayunman, ipinaliwanag ni Vergeire na ang protocols na ipatutupad ay depende pa rin sa risk classification ng lugar at ibabase sa regulasyon ng Department of Tourism (DOT).
Matatandaang nakatanggap ng kaliwa’t kanang batikos si Mayor Benjamin Magalong matapos dumalo sa birthday party ng isang celebrity at humalo pa sa crowd nang walang suot na facemask.
