Hindi kabilang si Mary Jane Veloso sa susunod na batch ng mga convict na isasalang sa execution sa Indonesia.
Ito ayon sa report ng Jakarta Post ay matapos sabihin ni Indonesia Attorney General Prasetyo na nirerespeto nila ang legal na prosesong nagaganap sa Pilipinas.
Magugunitang si Veloso ay nasentensyahan ng kamatayan matapos mahulihan ng ng 2.6 kilo ng heroin sa Yogyakarta Airport noong 2010, bagamat iginigiit nitong inosente ito sa nasabing insidente.
MJ’s camp
Winelcome naman ng kampo ni Mary Jane Veloso ang pahayag ng Indonesia na hindi kabilang ang Pinay sa susunod na batch na isasalang sa execution.
Ayon kay Atty. Edre Olalia ng NUPL o National Union of People’s Lawyers, natutuwa sila sa makatuwirang desisyon ng Indonesia kayat lalo pa nilang paiigtingin ang pagkilos para tuluyang maisalba sa kamatayan si Veloso.
Kasabay nito, muling nanawagan si Olalia sa gobyerno na buksang muli ang komunikasyon sa Indonesian government at huwag lamang tumutok sa darating na eleksyon habang nananatiling nasa balag ng alanganin ang buhay ni Veloso.
By Judith Larino