Nilinaw ngayon ng Department of National Defense o DND na wala silang pambayad para sa mga Lumad na makakapatay ng mga miyembro ng New People’s Army o NPA.
Sinabi ito ni Defense Secretary Delfin Lorenzana matapos mag-alok si Pangulong Rodrigo Duterte ng P25,000 pabuya sa bawat NPA na mapapatay ng mga Lumad.
Ayon sa kalihim, hindi niya masabi kung saan manggagaling ang pabuya dahil sa wala naman aniyang nakalaan na budget dito ang DND.
Matatandaang ang pahayag ng Pangulo ay pantapat nito sa banta ni Communist Party of the Philippines o CPP Founder Jose Maria Sison na papatay ang NPA ng isang sundalo kada araw sa bawat rehiyon sa bansa.
(Ulat ni Jonathan Andal)