Pumalag naman si UST Faculty of Civil Law Dean Nilo Divina sa plano ng mga abogado ng pamilya Castillo na idawit siya sa kaso kaugnay sa pagpatay sa UST Law freshman student na si Horacio Atio Castillo III.
Ito’y makaraang ihirit ni Atty. Lorna Kapunan, isa sa mga abogado ng pamilya Castillo na makapaghain ng supplemental affidavit upang maisama si Divina sa mga respondent sa kaso.
Ayon kay Divina, nakalulungkot ang itinuturing niyang pagmamanipula nila kapunan para gawin ang mga bagay na wala namang batayan at ang tanging layunin lamang ay maghanap ng masisisi.
Kasunod nito, sinabi rin ni Divina na malinaw aniyang may personal na interes si Kapunan na maidawit siya sa kaso ni Atio ngunit tumanggi na siyang idetalye pa ito.
Magugunita na si Kapunan ay abogado rin ng misis ni COMELEC Chairman Andres Bautista na si Patricia Paz na una nang naghain ng disbarment case laban kay Divina dahil sa naging ugnayan nito sa poll chief.