Naka-medical leave simula bukas hanggang Agosto 13 si Budget Secretary Wendel Avisado base sa payo ng kanyang doktor.
Ayon sa Department of Budget and Management, dinapuan ng COVID-19 si Avisado kaya’t walong araw itong naospital at mahigit isang buwang na-quarantine.
Inabisuhan ng ang kalihim ng kanyang doktor na sumailalim sa mga pagsusuri lalo’t 14 na taon na ang nakararaan nang sumailalim ito sa quadruple open heart bypass.
Magsisilbi namang officer-in-charge ng kagawaran si Undersecretary Tina Rose Marie Canda habang wala si Avisado.
Una nang inatasan ni Pangulong Rodrigo Duterte ang DBM na maghanap ng pondo para sa ipamamahaging ayuda sa mga maaapektuhan ng muling pagpapatupad ng ECQ sa NCR sa Agosto 6 hanggang 20. — sa panulat ni Drew Nacino.
