Ayaw nang magkomento ni dating Pangulong Nonoy Aquino sa naging pahayag ni Pangulong Rodrigo Duterte na wala siyang planong maghain ng kaso sa mga sinundan niyang Presidente.
Sa pagdalo ni Aquino sa Senate hearing hinggil sa ‘dengvaxia issue’, tanging ‘no comment’ ang isinagot ng dating Pangulo nang hingan ng reaksyon sa pahayag ni Pangulong Duterte.
Magugunita, sa kanyang talumpati sa PDP Laban Christmas Dinner noong Miyerkules, sinabi ni Pangulong Duterte na hindi niya ugali ang magsampa ng mga kaso laban sa mga dating mga Presidente ng bansa.
Binanggit din ni Pangulong Duterte ang isang pagkakataon na tinawagan siya ni dating Presidential sister Kris Aquino, kung saan kanyang tiniyak na hindi niya ipakukulong ang dating Pangulo.
