Muling pinaalalahanan ni dating Pangulong Fidel Ramos si Pangulong Rodrigo Duterte sa gitna ng pagbulusok ng trust ratings at ang panibagong banat nito sa European Union.
Ayon kay Ramos, dapat tandaan ni Pangulong Duterte na malaki na ang ibinaba trust at satisfaction ratings nito kumpara noong isang taon.
Dapat na anyang pag-isipang maigi ng punong ehekutibo ang mga inilalatag na polisiya dahil tiyak na may malaki itong epekto sa kanyang administrasyon.
Samantala, nilinaw naman ni F.V.R. hindi naman niya kontra sa pamamahala ng Pangulo bagkus maituturing lamang siyang nakatatandang kapatid na otorisadong magbigay payo at batikos.
