Iminungkahi ng Department of Finance at Bureau of Internal Revenue ang pagtaas ng limitasyon sa mga benepisyong tax-free benefits ng mga empleyado sa pampubliko at pribadong sektor.
Ayon kay Finance Secretary Ralph Recto, layunin ng panukala na mapalaki ang take-home pay ng mga manggagawa, habang isinaaalang-alang ang epekto ng inflation at patuloy na pagtaas ng presyo ng mga bilihin.
Kabilang sa mga inirekomendang pagbabago ang pagtaas ng rice subsidy mula dalawang libo tungong dalawang libo at limandaang piso kada buwan, medical cash allowance mula isang libo at limandaang piso sa dalawang libo kada semestre, uniform allowance mula pitong libo sa walong libo kada taon, meal allowance para sa overtime workers mula dalawampu’t limang porsyento tungong tatlumpung porsyento ng minimum wage, at productivity incentives mula sampung libo tungong labindalawang libo kada taon.
