Patay sa ambush ang 42 anyos na dating Bise Alkalde sa La Union at kasamahan nito.
Dead on arrival sa La Union Medical Center sa bayan ng Agoo sina dating Vice Mayor Vincent Rafanan ng Sto. Tomas, La Union at Beatriz Sacamoto ng Basista, Pangasinan.
Sina Rafanan at Sacamoto ay pinagbabaril ng riding in tandem habang sakay ng kotse sa Aspiras Highway sa barangay Tabora East sa bayan ng Pugo.
Ayon kay Police Senior Inspector Julius Basallo, hepe ng Pugo Police Station, nakarinig na lamang sila nang magkakasunod na putok ng baril at sa kanilang pag responde ay tumambad sa kanila ang nakahandusay na katawan ng mga biktima na puno ng tama ng bala.
Si Rafanan ay No. 5 sa drug watchlist ng Sto. Tomas Police Station.
By Judith Larino
