Sumakabilang buhay na ang 15-anyos na dalagitang tinamaan ng ligaw na bala.
Ayon kay Health Secretary Paulyn Ubial, namatay si Emilyn Calano alas 6:10 ng gabi, Enero 4 sa Jose R. Reyes Memorial Medical Center sa Santa Cruz, Manila makaraang ma-cardiac arrest.
Isasailalim pa sa autopsy ang mga labi ni Calano.
Matatandaang tinamaan ng ligaw na bala ang dalagita noong bisperas ng bagong taon habang nanonood ng fireworks display malapit sa kanilang bahay sa Malabon City.
Kasalukuyan nang tinutunton ng pulisya ang suspect na natukoy na nagpaputok.
Bukod sa reckless imprudence resulting in serious physical injuries na nakasampa sa Malabon City Prosecutor’s Office, posible umanong makasuhan din ng murder ang suspect dahil sa pagkamatay ni Calano.
By Avee Devierte
