Maghihintay pa ng 35 araw para malaman kung nawala na ng tuluyan ang virus na tumama sa mga manukan sa San Luis, Pampanga.
Ito ang sinabi sa DWIZ ni Agriculture Secretary Manny Piñol kahit pa natapos ng linisin ang mga poultry farms na tinamaan ng bird flu outbreak.
Ayon sa kalihim, dadaan sa testing ang mga tinamaang manukan at kapag nasigurong wala ng virus ay maghihintay ng 90 days bago muling mag alaga ng manok.
Nagpasalamat naman ang kalihim dahil maayos ang naging pagtugon ng mga poultry raisers sa mga inilatag na hakbang ng gobyreno para hindi na lumawak ang pinsalang idinulot ng bird flu virus.
