Convoy ng PSG tinambangan sa Arakan Cotabato; 2 sugatan

Sugatan ang dalawang (2) miyembro ng PSG o Presidential Security Group matapos tambangan ang kanilang convoy ng mga hinihinalang NPA o New People’s Army sa Arakan, Cotabato kaninang alas-6:00 ng umaga.

Kinilala ang mga nasugatang PSG na sina Corporal Rodel Ledesma at Staff Sgt. Gery Torsal.

Ayon kay PNP Region 12 Director Chief Supt. Tim Pacleb, patungo sanang Cagayan de Oro mula Davao City ang sampung (10) miyembro ng PSG na sakay ng dalawang (2) sasakyan nang paputukan ng nasa isang daang (100) rebelde.

Agad naman nagpadala ng karagdagang pwersa ang militar at pulisya sa lugar ng pananambang at na-irescue ang mga miyembro ng PSG.

By  Krista de Dios | ulat ni Jonathan Andal (Patrol 31)

Comments

comments