Naka-base pa rin sa desisyon ng Kamara kung magiging prayoridad ang isinusulong na constitutional convention o Con-Con ni House Deputy Speaker Ronaldo Puno.
Sa panayam ng DWIZ, iginiit ni House of Representatives spokesperson Atty. Princess Abante na marami ang pwedeng mapag-usapan sa pagrerepaso ng Saligang Batas.
Subalit, kinakailangan muna aniya tignan kung napapanahon nang pag-usapan ang Con-Con lalo’t marami pang usapin ang tinututukan ng Kamara tulad ng national budget at ang impeachment case ni Vice President Sara Duterte.
Kaugnay nito, nilinaw din ng tagapagsalita na hindi mga miyembro ng Kongreso ang magbabalangkas sa isinusulong na resolusyon.
