Kinumpirma ni Cong. Fredenil Castro na nagbitiw na siya bilang pangulo at miyembro ng National Unity Party.
Ayon kay Castro, delikadesa ang nagtulak sa kanyang bumitiw na sa partido makaraang suportahan niya ang kandidatura ni Cong. Martin Romualdez sa speakership race.
Sinabi ni Castro na kung si Cong. Lourd Velasco ang nahalal na speaker ay hindi naman siya bibitiw sa partido dahil hindi naman ito ang kandidato ng National Unity Party.
Binigyang diin ni Castro na bumoto siya sa House speakership na naaayon sa kanyang konsensya.
Ang National Unity Party ang sinasabing magiging pinakamalakas na partido sa hinaharap.
