Kumpiyansa si Chief Justice Maria Lourdes Sereno na sasaklolo pa rin ang mga kapwa niya mahistrado sa Korte Suprema sa kanyang nagbabadyang impeachment trial sa Senado kahit pa karamihan sa mga ito ang tila walang suporta sa kanya.
Sa isang forum ng Foreign Correspondents Association of the Philippines (FOCAP), inihayag ni Sereno na sa bandang huli ay mapagkakasunduan ng anumang organisasyon ang mga problemang kanilang kinakaharap.
Gayunman, nanindigan ang Punong Mahistrado na hindi siya magbibitiw sa puwesto sa kabila ng nakitang probable cause ng House Committee on Justice upang ipa-impeach siya bagay na hindi niya a-atrasan sakaling i-akyat ang reklamo sa Senado.
Hinamon naman ng Punong Mahistrado ang mga nagdiriin sa kanya sa impeachment na harapin siya sa Senado kung kampante ang mga ito na malakas ang kaso laban sa kanya.
—-