Iginiit ng kampo ni dating Pangulo at ngayo’y Congresswoman Gloria Arroyo na hindi ito interesadong maging prime minister sakaling mapalitan sa federal-parliamentary system ang sistema ng pamahalaan.
Ayon kay Atty. Raul Lambino, dating abogado ni Arroyo, wala sa isipan at hindi ambisyon ng dating pangulo ang maging punong ministro.
Kumbinsido si Lambino na pinalulutang lamang ng mga kritiko ni Arroyo ang di umano’y planong pag-upo bilang prime minister para humikayat ng mga kokontra sa pag-amyenda sa konstitusyon.
—-
