Nanawagan si Sen. Erwin Tulfo sa 18 self-confessed bagmen na dumalo sa Blue Ribbon Committee meeting kaugnay ng isyu ng umano’y anomalya sa mga flood control projects ngayong Hunyo 8.
Ang 18 indibidwal, na inilarawang mga dating Marines, ay kasalukuyang nasa tanggapan ni Sen. Robin Padilla para sa isang press conference.
Sinabi ni NBI Director Melvin Matibag na hindi sapat ang mga ebidensiyang inilahad ng 18 dating bodyguards ni dating Cong. Zaldy Co upang makabuo ng probable cause.
Ayon kay Matibag, kulang ang mga ebidensiya at kinakailangan pa ng mas matibay na patunay bago ito maging batayan ng anumang kaso.
Kinondena ni Sen. Raffy Tulfo ang pagtawag ni Sen. Loren Legarda na “mga bayani” ang 18 umano’y bagmen ni dating Cong. Zaldy Co.
Ayon kay Tulfo, hindi dapat ituring na bayani ang mga indibidwal na umaming naging bahagi ng umano’y ilegal na gawain, sa gitna ng nagpapatuloy na imbestigasyon sa mga alegasyon ng kickback sa mga flood control projects.
“Itong 18 kargador na ilang taon umanong nagtrabaho kay Zaldy Co…at bigla na lamang daw silang tinubuan ng konsensya at ngayon ay naninira ng buhay ng mga inosenteng tao ay tatawagin nating bayani?
Pasensya na, hindi ako papayag na matabi ang mga sinungaling na ito kina Jose Rizal, Andres Bonifacio, at ang mga dakila nating OFWs.
At dito papasok ang pangalawa kong punto, hindi lang ang kredibilidad ng 18 kargador ang kaduda-duda, kundi pati ang mismong kanilang testimonya ay nakakapagtaka,” ani Tulfo.
Humingi ng paumanhin si Sen. Erwin Tulfo sa kanyang matitinding pahayag sa gitna ng tensyon sa Senado nitong mga nakaraang araw.
Aminado siya na hindi angkop ang kanyang naging salita kaugnay ng mga panukalang pagpapaaresto at pagpapaalis sa ilang indibidwal sa plenaryo, at nanawagan na magkaisa ang mga senador upang maipagpatuloy ang trabaho para sa publiko.
#dwiz #dwiznews #aliw23
Naniniwala ang tinaguriang “Pinoy Street Lawyer” na si Atty. Danielito “DJ” Jimenez na dapat resolbahin ang tumitinding isyu sa loob ng Senado sa lalong madaling panahon.
Ayon kay Atty. Jimenez, magkaiba kasi ang interpretasyon ng “Cayetano Bloc” at ng “Gatchalian Bloc” sa desisyon ng Korte Suprema sa kasong “Avelino v. Cuenco” sa usapin ng dami ng mayorya sa Senado.
Kaya para sa abogado, dalawa lamang ang pwedeng mangyari para maresolba ang sigalot sa mataas na kapulungan: ang pamamagitan ng Korte Suprema; o ang paglipat ng isa o ilang senador upang maging tiyak kung alin sa mga kasalukuyang paksyon sa Senado ang mayorya.
Sa usapin naman ng flood control scandal, naniniwala si Atty. Jimenez na dapat umuwi at magsalita si dating Congressman Zaldy Co upang mapatunayan ang lahat ng kanyang ibinunyag. — sa panulat ni Anjo Riñon
Nanawagan si Sen. Alan Peter Cayetano sa mga empleyado ng Senado na linawin kung sino ang kanilang susunding liderato kasunod ng mga pagbabago sa pamunuan ng kapulungan.
Ayon kay Cayetano, mahalagang matukoy ang lehitimong liderato ng Senado sa gitna ng umiiral na isyu, lalo’t hindi pa umano pormal na naihahalal ang kanyang kahalili.
“Sa lahat ng empleyado, I’m sorry to put this on you. Not at the penalty of dismissal or cases. Hindi po ako ganu’n magtrabaho.
Konsensya niyo. Alam niyo ang batas. Sino ang susundin niyo? ‘Yung peke na acting Senate President o iyong sinasabi ng ating Konstitusyon na Senate President?”
#dwiz #dwiznews #aliw23
Nilinaw ng CIDG-NCR na walang espesyal na pagtrato kay Sen. Jinggoy Estrada matapos lumabas ang kanyang mugshot na hindi suot nang maayos ang orange detainee shirt.
Ayon kay CIDG-NCR chief P/Col. John Guiagui, walang kasya na detainee shirt para sa senador at kinailangan nang isumite agad ang mga dokumento sa Sandiganbayan kaya wala nang oras upang maghanap ng kapalit na damit.
“‘Yung sa damit ni Sen. Jinggoy, is that may time constraint during that time kasi kailangan namin siyang i-deliver sa Sandigan Bayan dahil pinapapunta na ng Sandigan Bayan. Walang magkasya na damit sa kanya. Lahat na ng available na damit namin, pinasukat namin, hindi talaga magkasya du’n sa built ng katawan niya…
It goes to show na lahat ng proseso na dapat gawin ng mga nahuhuli ay ginawa ng CIDG. Nataon lang po na wala na talagang magkasya. Nakita nyo kung paano yung built ng katawan ni Sen. Jinggoy, wala pong magkasya and kailangan na po ‘yung mag-shot sa pag-deliver namin ng mga dokumento sa Sandigan Bayan. Wala po itong special treatment…Kaya sa susunod maghahanap na kami ng triple XL na mga damit na kasya.”
Hindi man naipasa ni Fuschia Anne Ravena ang korona sa kanyang kapwa Filipina Beauty Queen na si Lars Pacheco sa ginanap na Miss International Queen 2023 sa Thailand.
Proud na proud pa rin ang mga taga-suporta ni Pacheco nang masungkit nito ang Top 6 ng naturang kompetisyon.
Si Lars ang naging pambato ng bansa sa naturang pageant.
Samantala, kinoronahan bilang Miss International Queen 2023 si Solange Dekker ng Netherlands, habang 1st runner up si Qatrisha Zairyah Kamsir ng Singapore at 2nd runner up si Melony Munro ng USA.
Matatandaang, maraming pinto ang nagbukas para kay Lars nang sumali at makilala ito sa isang noontime show noong 2018.
Chihuahua mula sa Ohio tinaguriang pinakamatandang aso sa buong mundo ng Guinness World Records.
Ayon sa Guinness World Records, natagpuan si Spike ng kanyang owner na si Rita Kimball, noong siya ay 10 taong gulang na may “mga mantsa ng dugo sa kanyang leeg mula sa isang kadena o lubid.”
Samantala, ibinahagi ni Rita ang dahilan kung bakit umabot sa 23 taong gulang si Spike ay ang kanyang routine, na kinabibilangan ng paglalakad sa umaga, healthy diet, at unlimited sa pagmamahal at atensyon.
Ang Guinness World Record para sa pinakamatandang nabubuhay na aso ay dating pag-aari ng 22-anyos na si Gino. – sa panulat ni Kim Gomez
Lodi talaga ang dalawang senior citizens na ito dahil pawang hikers lang naman sina Lola Iluminada, 82 years old at Lolo Casio, 83 years old.
Alam niyo bang tagumpay ang pag akyat ng ating mga bidang senior citizens sa magkaibang bahagi ng pinakamataas na bundok sa Pilipinas?
Kasama ang kanyang mga anak, in-law at dalawang guide, kinaya ni Lola Iluminada sa loob ng 3 araw ang matarik at mabatong daan tungo sa Digos trail, dahilan para naman tagurian siya ng Digos LGU bilang oldest female climber ng Mt. Apo.
Hindi na rin bago kay Lola Iluminada ang hiking matapos una na ring mag hike sa Mt. Ulap at Mt. Pulag.
Samantala, sinabi ni Lolo Casio na wala siyang nararamdamang masama sa katawan kaya’t pinursige niyang akyatin ang Sta. Cruz Trail ng Mt. Apo kasama ang mga guide.
4 na buwang nag training si Lolo Casio na tiniyak ang mga suot at bitbit na gamit para maka abot sa 14.3 km ng Sta. Cruz trail na sinasabing pinakamahirap na trail ng Mt. Apo
Kaya naman si Lolo Casio ay tinagurian naman ng Sta. Cruz LGU na oldest climber ng Mt. Apo.