Dumating sa bansa si National Basketball Association (NBA) MVP Stephen Curry ng Golden State Warriors para sa kanyang Under Armour Roadshow dito sa Asya.
Si Curry ay sakay ng isang chartered plane na may registry number N96va, na dumating kaninang alas-9:40 ng umaga.
Mamayang gabi ay aalis din si Curry dito sa bansa at siya ay magtutungo naman sa Beijing, China.
By Katrina Valle | Raoul Esperas (Patrol 45)
Nalusutan ng Gilas Pilipinas ang isa sa mga mahihirap nitong laban sa ginaganap na 2015 Jones Cup sa Taiwan.
Ito’y matapos gibain ng Gilas ang koponan ng New Zealand sa score na 92-88.
Mistulang dumaan sa butas ng karayom ang Gilas dahil sa unang quarter pa lamang ay naghahabol na ang mga pinoy.
Subalit, nadikitan ng Philippine national basketball team ang New Zealand pagsapit ng ika-apat na quarter.
Naipwersa ng gilas ang laro sa overtime at doon nagpakita ng matinding opensa at depensa ang koponan ng Pilipinas kaya’t naipanalo ang laro.
By: Jelbert Perdez
Tatangkain ng Gilas Pilipinas na makabangon mamayang hapon sa laban nito kontra New Zealand sa nagpapatuloy na 37th William Jones Cup na ginaganap sa Taiwan.
Ito ay matapos ang masaklap na pagkatalo ng Gilas sa kamay ng powerhouse Iran kahapon sa iskor na 64 -75.
Ayon sa Gilas, nananatili ang kanilang high spirit at tiniyak na babawi sa New Zealand.
Kasulukuyang hawak ng Gilas ang tatlong panalo at dalawang talo.
Ang pagtutuos ng Gilas Pilipinas at koponan ng New Zealand ay magsisimula mamayang ala-una ng hapon.
By: Ralph Obina
Pinataob ng Philippine football team na Azkals ang bansang Maldives sa FIFA friendly match na ginawa dito sa Maynila.
Nakakopo ng dalawang puntos ang Pilipinas sa ika-48 at ika-55 minuto ng laban.
Ito’y dahil sa sinasabing pagkakamali ni Mohamed Samdhooh ng Maldives mula sa right corner kick ni Phil Younghusbund na sinundan naman ng goal ni Jerry Lucena.
Ang paghaharap na ito ng Maldives at ng Pilipinas ay paghahanda lamang sa gagawing FIFA World Cup sa 2019 kung saan, haharap ito sa qualifying match laban sa Uzbekistan.
By Jaymark Dagala
Bigo ang Gilas Pilipinas sa ika-5 nitong laro sa 37th William Jones Cup.
Ito’y matapos ilampaso ng Iran sa score na 74-63 na isa sa mga mahihirap na laban ng Gilas sa naturang torneo na idinaraos sa New Taipei City, Taiwan.
Sa unang quarter pa lamang ay naghahabol na ang Philippine national men’s basketball team at nabaon ito sa ika-4 na quarter dahilan upang matalo ang mga pinoy.
Sunod na sasagupain ng Gilas Pilipinas ang koponan ng New Zealand, ala-1 ng hapon, bukas.
By: Jelbert Perdez
Pasok sa third round ng US Open si Serena Williams matapos pataubin si Kiki Bertens.
Dahil dito, target ni Williams na makaabot sa finals hanggang masungkit ang ika-apat na sunud-sunod na panalo nito sa naturang torneo.
Ang Amerikanang tennis player ding si Bethanie Mattek Sands ang susunod na makakalaban ni Williams.
By Judith Larino
Muling sumargo ng panalo ang Gilas Pilipinas sa 37th William Jones Cup na ginaganap sa New Taipei City, Taiwan.
Sa pagkakataong ito, pinadapa ng Pilipinas ang Japan sa score na 75-60, kahapon dahilan upang manatiling walang panalo ang Japanese team.
Naging malaki ang iniambag ng Filipino-Tongan na si Moala Tautuaa sa panalo ng Gilas matapos kumamada ng 10 points kabilang ang dalawang monster dunk.
Nagpakawala rin naman ng 17 points si Terrence Romeo habang pumasok lahat ng tatlong 3 points ni Gabe Norwood dahilan upang lumaki ang kalamangan ng Philippine national basketball team.
Mayroon ng tatlong panalo at isang talo ang Gilas sa torneyo habang susunod na makakaharap ng koponan ang power house na Iran, mamayang ala-1:00 ng hapon.
By Drew Nacino
Sumampa na sa tuktok ng level II standings ang Philippine national women’s basketball team matapos gibain ang Kazakhstan sa score na 80-73 sa 2015 FIBA Asia Women’s Championship sa Wuhan, China.
Dahil sa panalo, awtomatikong nakasungkit ng posisyon ang Perlas Pilipinas sa level I ng susunod na FIBA Asia tournament.
Nagpasabog si veteran Ewon Arayi ng 28 points habang nag-ambag naman si Allana Lim ng 17 points para sa Pilipinas.
Si UAAP Most Valuable Player Afril Bernardino ay kumamada naman ng 14 rebounds, at five assists para sa koponan ng mga pinay.
Posibleng makasagupa ng Perlas Pilipinas ang mangingibabaw sa level I na kinabibilangan ng Thailand at India.
By: Jelbert Perdez
Lusot na sa second round ng US Open si tennis superstar Roger Federer.
Ito ay makaraang walang kahirap hirap na payukuin ni Federer ang kalabang si Leonardo Mayer ng Argentina sa iskor na 6-1, 6-2 at 6-2.
Tumagal ng 77-minuto ang bakbakan nina Federer at Mayer.
Maligaya naman si Federer na nakaiwas ito sa big upset sa first round ng US Open.
Dahil dito, determinado pa si Federer na paghusayin ang paglalaro upang masungkit ang kampeonato.
By Ralph Obina
Aarangkada na ang ika- 78 season ng prestihiyosong University Athletic Assocation of the Philippines o UAAP.
Pangungunahan ng University of the Philippines ang opening ceremonies ng nasabing torneo bilang ito ang napiling host para sa season na ito.
Ayon kay Dr. Michael Tan, Chancellor ng UP Diliman, archipelago ang tema ng kanilang seremoniya kung saan, magsasama-sama sa pagtatanghal ang iba’t ibang kolehiyo ng pamantasan.
Gayunman, walang special guest dahil sesentro ang programa sa mga student athlete.
By Jaymark Dagala