SPORTS

Pinataob ni World’s Number One Serena Williams ang sariling kapatid nitong si Venus sa kanilang pagtutuos sa US Open.

Dahil dito pasok na sa semi finals si Serena makaraang talunin ang kanyang nakatatandang kapatid sa iskor na 6-2, 16 at 6-3.

Magkahalong emosyon naman ang naramdaman ni Serena sa pagkakataong iyon.

Ayon kay Serena, bagamat matalik na kaibigan ang turing niya kay Venus ay kailangan niyang mag-focus at manalo upang mapalapit sa target nitong ika-apat na grandslam championship title para ngayong taon.

Makakalaban sa semi finals ng nakababatang Williams ang unseeded Italian na si Roberta Vinci.

By  Ralph Obina  

Laglag  na sa US Open ang  Scottish tennis star na si  Andy Murray.

Tinalo si Murray ng kalabang South african  at  15^th   seed na si Kevin Anderson sa  4th round  ng US Open  sa  iskor  na  6-7, 5-7, 3-6, 7-6, 7-2, 6-7 at 0 (love)-7.

Ito na ang pinaka-maagang grand slam exit ni   Murray magmula noong 2010 at naputol na rin ang   karera nito  sa 18  consecutive  major quarter finals.

Hindi naman maitago ni Anderson ang kasiyahan sa    tagumpay  makaraang  payukuin nito si Murray.

By: Ralph Obina

Balik bansa na ang mga miyembro ng Philippine men’s basketball team na Gilas Pilipinas.

Ito ay matapos matagumpay na laban ng Gilas kung saan nasungkit nila ang pilak na medalya sa 37th Williams Jones Cup na ginanap sa Taiwan.

Dumating ang Gilas sa Ninoy Aquino International Airport dakong 11:00 ng umaga lulan ng Eva Air Flight 2-71.

Nasungkit ng Pilipinas ang ikalawang pwesto sa Jones Cup makaraang talunin ang mga bansang New Zealand, Japan, Russia, USA at Chinese Taipei.

Maliban dito, pasok din ang Gilas member na si Jayson Castro mythical five ng 2015 William Jones Cup.

Samantala, ngayong araw rin lang, nakabalik na sa bansa ang Perlas Pilipinas na nanguna sa level1 ng 2017 FIBA Asia Womens Championship matapos huling talunin ang India sa iskor na 82-76.

By: Ralph Obina

Ipinahiwatig ni 8 division world champion Manny Pacquiao na may  ilang laban pa  ito  bago tuluyang isabit ang kanyang boxing  gloves.

Ito ay taliwas sa naging pahayag ni Top rank CEO  Bob Arum na may isang  laban   na  lamang ang   pambansang   kamao  bago  magretiro  dahil  sa ambisyon aniyang  tumakbong  senador ni  Pacquiao.

Ayon kay Pacquiao,  pabayaan na lamang at huwag nang  pansinin    pa   ang mga naging  pahayag   ni  Arum.

Giit ni Pacquiao, siya at wala nang  iba  ang nakaka-alam sa lagay at  kakayahan ng   kanyang   pangangatawan.

Gayunman, nananatiling  tahimik  si Pacquiao sa balitang  tatakbo nga itong senador sa   2016.

Matatandaang sa mga  naunang pahayag ni  Pacquiao, plano ng kampo nito na lumaban sa Abril sa susunod na taon sa hindi pa  pinapangalanang kalaban.

By: Ralph Obina

Handang-handa na ang Gilas Pilipinas para sa 2015 FIBA Asia Championship ngayong buwan.

Una ng nakasungkit ng silver medal ang Pilipinas sa katatapos lamang na 37th William Jones Cup sa Taiwan matapos tambakan ang host country na Chinese Taipei sa score 96-67, kahapon.

Gayunman, sasabak muna sa MVP Cup ang Gilas sa Setyembre 11 hanggang 13 kung saan makakalaban ang Wellington Saints ng New Zealand at Taiwan National Team na kapwa natalo sa Jones Cup.

Lalarga ang FIBA Asia Championship simula Setyembre 23 hanggang Oktubre 3 sa Changsa, China.

By  Drew Nacino  

Ito ay matapos ilampaso kanina ng Gilas Pilipinas ang Chinese Taipei team sa iskor na 96-67.

Pinangunahan ni Gary David ang opensa ng Gilas sa kanyang 18 puntos na naiambag.

Sa unang quarter pa lamang llamado na agad ang Gilas sa score na 24-21. At nang tumuntong ang second period nagsimula nang lumaki ang lamang ng Gilas kontra sa Chinese Taipei sa score na 50-32.

Natapos nang Gilas ang nasabing tournament sa 6-2 win-loss record. Tanging South korea at Iran, na siyang nakakuha ng gintong medalya, ang nakatalo sa basketball national team ng Pilipinas.

Sa kasaysayan ng William jones cup, naka 4 na gintong medalya na ang Pilipinas at 3 bronze. Pero ngayon pa lamang nagkaroon ang ating bansa ng silver medal sa nasabing tournament.

By: Jonathan Andal

Tumaas ang pag-asa ng Samahang Basketbol ng Pilipinas o SBP na makalaro ang NBA star at Fil-Am na si Jordan Clarkson sa ilalim ng bandila ng Pilipinas.

Ito’y makaraang makausap ng  mga opisyal ng SBP si Los Angeles Lakers team President Jeanie Buss at Los Angeles Lakers General Manager Mitch Kupchak na kapwa hindi umano tumututol na maging bahagi si clarkson ng Gilas team.

Gayunpaman, hiniling ng mga lakers executives na makausap muna nila ang mga coach ni Clarkson dahil kailangan nang bumalik nito sa setyembre 28 para sa simula ng training camp ng NBA.

Umaasa ang SBP officials na makakalaro si Clarkson hanggang sa second round ng FIBA na magtatapos naman sa setyembre 29.

By: Avee Devierte

Personal nang nakilala ni Daniel Padilla ang iniidolo nitong NBA star na si Stephen Curry.

Base sa Instagram posts ng isang fan group ni Daniel, makikitang todo ang ngiti nito nang magkaroon siya ng pagkakataong makapagpakuha ng larawan kasama si Stephen sa media event ng isang international sportswear brand, na ginanap sa Mall of Asia arena ngayong kahapon.

Agad na ni-repost ni Daniel ang isa sa kanyang larawan kasama si Stephen at tinag pa ang NBA star sa twitter.

Si Stephen ay star guard ng Golden State Warriors at siyang hinirang na Most Valuable Player  ng NBA ngayong taon.

By: Avee Devierte

Muling ipinakita ng Pilipinas ang puso sa larangan ng basketball nang talunin nito ang koponan ng Amerika

Ito’y sa pagpapatuloy ng 37th William Jones Cup na kasalukuyang ginagawa sa Xinzhuang Gymnasium sa New Taipei City sa Taiwan.

Hindi na pinakawalan ng mga pinoy ang kalamangan nito mula noong 3rd quarter bagama’t bahagyang nakahabol ang kalaban sa 4^th quarter ng laro.

Bumandera naman sa laban si Calvin Abueva nang isara nito ang laban sa iskor na 78-74 kung saan, nakapagbuslo ito ng 20 puntos, nakapagtala ng 9 na rebounds at 4 na steals.

By: Jaymark Dagala