SPORTS

Nag-demand ng rematch si 8-Division World Champion Manny Pacquiao matapos mabunyag ang umano’y paggamit ng IV injection ni undefeated boxer Floyd Mayweather Junior sa megafight ng dalawa noong Mayo na sinasabing paglabag sa anti doping rules.

Ito ay sa kabila ng depensa ng kampo ni Mayweather at ng United States doping agency na legal ang pagtuturok ng pound for pound king dahil sa ito vitamins at mineral lamang bago ang laban.

Pero giit ni Pacquiao, bakit umabot pa ng tatlong linggo matapos ang kanilang laban bago ipinaalam ng USDA sa Nevada State Athletic Commission ang tungkol sa pagtuturok ni Mayweather.

Binigyang diin ng Pambansang Kamao na dapat maging consistent ang NSAC sa pagpapatupad ng kanilang batas kung saan dapat aniya walang kinikilingan at maging patas ang mga ito.

Matatandaang gabi bago ang laban, hiniling din ni Pacquiao na mabigyan siya ng painkiller dahil sa iniinda nitong injury sa kananang balikat ngunit di aniya pumayag ang NSAC.

By  Ralph Obina 

Naunsyami ang paghaharap ni  world no.1 Serena   Williams at 43^rd seed Roberta Vinci  ng Italy sa US Open  semi-finals  dahil sa matinding pag-ulan.

Dahil ditto kinailangang maghintay ng dalawang  manlalaro  hanggang hanggang bukas para magkaalaman  na  kung sino sa  kanila ang papasok sa finals para       makalaban  ang mananalo sa pagitan nina  Simona Halep  ng Romania at Flavia Pennetta ng Italya.

Target  ni  Williams  na  makapagbaon  pa  ng dalawang panalo     para tanghaling kauna unahang tennis player  na makasungkit   ng 4 na  grand slam titles sa isang season.

Matatandaang noong Enero, napalalunan ni williams ang     Australian Open, French Open noong Hunyo habang  pinagharian   din nito ang  Wimbledon noong  Hulyo.

By: Ralph Obina

Lumabas   din ang  katotohanan.

Ito  ang      reaksyon   ni  8th  Division  World  Champion    Manny  Pacquiao   sa posibleng pagpataw ng parusa ng World Boxing Council o WBC kay Floyd Mayweather Junior matapos mabunyag na gumamit ito ng Intravenous injection ng pinagsamang saline at vitamins bago ang super fight nila ni Manny Pacquiao sa Las Vegas, Nevada sa Amerika noong Mayo.

Kinuwestyon ng beteranong boxing analyst na si Ronnie Nathanielsz ang Nevada State Athletic Commission sa pagkunsinte nito kay Floyd gayong ipinagbabawal ng World Anti-Doping Agency o WADA ang paggamit ng I.V. injection bago ang laban.

Aniya, bagaman nabanggit na niya kay Top Rank CEO Bob Arum ang issue, aminado ang promoter ng Pambansang Kamao na wala pa silang magagawang ligal na aksyon sa paggamit ng pretty boy ng performance enhacing drug.

By: Ralph Obina

Lalarga na ang 3-day invitational MVP Cup tournament mamaya bilang bahagi ng preparasyon ng Gilas Pilipinas para sa 2015 FIBA Asia Championship.

Unang sasabak sa laban ang Chinese Taipei kontra Wellington Saints ng New Zealand, sa Araneta Coliseum, sa Quezon City, alas-5:00 ng hapon habang susunod na magbabakbakan ang Gilas at talk ‘n Text Tropang Texters, alas-7:00 ng gabi.

Ayon kay Gilas Coach Tab Baldwin, nakatutok sila sa magiging performance ng 12 starting player ng Philippine team partikular ang chemistry o teamwork ng bawat isa.

Matapos ang MVP Cup, sasabak muli ang Gilas sa training sa isang secluded camp sa Cebu.

Magsisimula naman ang 2015 Asia Championship sa September 23 hanggang October 3, sa Changsha, China.

By  Drew Nacino 

Posibleng patawan ng parusa ng World Boxing Council o WBC si Floyd Mayweather Junior matapos mabunyag na gumamit ito ng intravenous injection ng pinagsamang saline at vitamins bago ang super fight nila ni Manny Pacquiao sa Las Vegas, Nevada sa Amerika noong Mayo.

Kinuwestyon ng beteranong boxing analyst na si Ronnie Nathanielsz ang Nevada State Athletic Commission sa pagkunsinte nito kay Floyd gayong ipinagbabawal ng World Anti-Doping Agency o WADA ang paggamit ng I.V. injection bago ang laban.

Aniya, bagaman nabanggit na niya kay Top Rank CEO Bob Arum ang issue, aminado ang promoter ng Pambansang Kamao na wala pa silang magagawang ligal na aksyon sa paggamit ng pretty boy ng performance enhacing drug.

By  Drew Nacino | ChaCha    

Handa na ang undefeated American boxer na si Floyd Mayweather Junior sa kanyang itinuturing na huling laban sa Setyembre 13 sa MGM Garden Arena sa Las Vegas, Nevada.

Dedepensahan ni Mayweather ang kanyang WBA super welterweight, WBC at the ring welterweight championship belt laban kay interim WBA welterweight champion Andre Berto.

Bagaman tatlong araw na lamang bago ang sagupaan, nilalangaw pa rin ang ticket sales kahit mababa na ang presyo nito.

Nasa 125 hanggang 1,500 dollars ang average ticket price sa naturang laban nasa kumpara sa super fight ni Floyd kay Manny Pacquiao na 5,000 dollars, noong Mayo.

Samantala, wala ring paggalaw sa room rates ng mga hotel sa Las Vegas dahil na rin sa kawalan ng interes ng boxing fans at mga mananaya sa kalaban ni Pretty Boy.

By  Drew Nacino

Dismayado si Los Angeles Lakers Guard Jordan Clarkson sa hindi pagkakasama sa final 12 ng Gilas Pilipinas na sasabak sa FIBA Asia sa China.

Mismong si Clarkson ang nagpahayag na sobra siyang dismayado na hindi makapaglaro para sa Gilas.

Nabatid na walang clearance na ibinigay ang FIBA para makapaglaro si Clarkson bukod pa sa inatasan ito ng Lakers management na mag-report for training camp sa September 28 o matapos lamang ang unang bugso ng tournament.

Sobrang saya naman si Asi Taulava sa pagkakasama niya sa top 12 at tiniyak na gagawin nito ang lahat para masungkit ng Pilipinas ang kampeonato sa FIBA Asia.

Samantala, inamin naman ni dating Gilas Captain Jimmy Alapag na dismayado siya sa hindi pagkakasama sa final 12 dahil sa kaniyang quad injury.

Subalit tiwala aniya siya sa bagong team na may malaking tiyansang mag kampeon sa FIBA at umabot sa Rio Olympics sa susunod na taon.

Balik-ensayo ngayong araw na ito ang Gilas Pilipinas.

By  Judith Larino