SPORTS

Unang panalo target ng NU kontra Ateneo sa UAAP

Tatangkain ng defending champion na National University Bulldogs na masungkit ang una nilang panalo sa University Athletic Association of the Philippines (UAAP) Season 78 mens basketball tournament kontra sa Ateneo de Manila University Blue Eagles.

Ito ay makaraang makalasap ng 2 sunod na pagkatalo ang NU sa kamay ng De La Salle University at University of the East.

Ayon kay NU bulldogs coach Eric Altamirano, bagamat batid nilang underdog sila kontra Ateneo ay sisikapin pa rin aniya nilang baguhin ang kanilang laro na hindi umubra sa mga nakalipas nilang laban upang muling makabangon.

Sinabi naman ni Blue Eagles star player Kiefer Ravena, hindi sila magiging kampante sa laban kahit pa alam nilang nagkukumahog at nasa alanganing sitwasyon ngayon ang NU.

Ang salpukan ng Bulldogs at Blue eagles ay magaganap mamayang 4:00 ng hapon.

By: Ralph Obina

September 16, 2015 0 comment

SPORTS

Itinutulak na sagupaang Manny Pacquiao-Danny Garcia tinanggihan ni Bob Arum

written by DWIZ 882

Tinanggihan ni Top Rank CEO Bob Arum ang itinutulak ni Coach Freddie Roach na sagupaang Manny Pacquiao at undefeated American boxer Danny Garcia sa susunod na taon.

Ayon kay Arum, mas nais niyang makalaban ni Pacquiao si Kell Brook na kasalukuyang IBF Welterweight Champion lalo’t nagkaroon na ng informal talks sa pagitan ng kampo ni Pacquiao at Brook.

Napipisil din ni Arum si Amir Khan na susunod na kalaban ng Pambansang Kamao sa halip na si Garcia na may hawak ng WBA light-welterweight belt.

Hindi naman idinetalye ng Top Rank Promoter ang dahilan ng kanyang pagtanggi na makasagupa ni Pacman si Garcia.

By Drew Nacino

September 16, 2015 0 comment

SPORTS

Australian boxer patay matapos ma-knock out ng isang Pinoy

written by DWIZ 882

Patay ang isang boksingero sa Australia makaraang ma-knock out ito ng Pinoy boxer sa isang regional title bout na ginanap sa Sydney, Australia.

Ang boksingerong si David Browne Junior ay pinatumba ng Pilipinong si Carlo magali sa kanilang Super Featherweight bout.

Ang 28 anyos na Australian boxer ay nagkaroon pa ng malay matapos ang knockout punch na binitiwan ni Magali, pero nag-collapse din ito at agad na idinala sa ospital.

4 na araw na na-coma si Browne kaya’t nagdesisyon na ang pamilya nitong tanggalin na ang life support nito.

Dahil sa insidente, nanawagan ang Australia Medical Association na ipagbawal na ang boksing sa kanilang bansa.

6 na buwan lamang kasi ang nakakaraan, isang Australiano din ang nasawi matapos patumbahin ng Filipino ring boksingero.

By: Ralph Obina

September 15, 2015 0 comment

SPORTS

Susunod na laban ni Manny Pacquiao ikinakasa na para sa 2016

written by DWIZ 882

Ikinakasa na ni Top Rank boss Bob Arum ang susunod na laban ni boxing champ Manny Pacquiao.

Tuluyan nang isinantabi ni Arum ang rematch sa pagitan nina Pacquiao at Floyd Mayweather Jr. makaraang i-anunsyo ni Mayweather ang kanyang pagreretiro sa boksing.

Napipisil ni Arum si Kell Brook, ang kasalukuyang International Boxing Federation Welteweight Champion para makalaban ni Pacquiao sa susunod na taon.

Katulad ni Mayweather, wala pang naitalang talo o tabla si Brook sa kanyang 36 na laban na kinabibilangan ng 24 na knockouts.

By Len Aguirre

September 15, 2015 0 comment

SPORTS

Huling laban ni Mayweather tinawag na boring ni Oscar dela Hoya

written by DWIZ 882

Muling nagpatutsada si dating World Champion Boxer Oscar de la Hoya kay Floyd Mayweather Junior kaugnay sa huli umano nitong laban.

Nagretiro si Mayweather sa kartadang 49-0 win-loss record nito lamang linggo matapos talunin via unanimous decision si Andre Berto sa Las Vegas, Nevada USA.

Gayunman, sinupalpal ni de la Hoya ang laban sa pagsasabing “napaka-boring” nito kaya’t hindi niya pinanood ang pay-per-view.

Mas mabuti na lamang aniya ay naging masaya ang kanyang gabi dahil sa panonood ng disney movies kasama ang mga anak sa halip na pagtuunan ang “walang ka-kwenta-kwentang bugbugan na walang umuuwing duguan.”

Kumbinsido rin ang “The Golden Boy” na “TBE o Totally Boring Everytime” si Floyd taliwas sa pahayag nito siya ang “the best ever” boxer sa ngayon.

By Drew Nacino

September 15, 2015 0 comment

SPORTS

Mayweather ibubuhos ang panahon sa pamilya makaraang magretiro

written by DWIZ 882

Ilalaan na lamang ni undefeated boxer Floyd Mayweather Junior ang kanyang oras at atensyon sa kanyang pamilya.

Ito ang sinabi ni Mayweather matapos ang kanyang pagreretiro kasabay ng ika-49 niyang panalo makaraang talunin si Andre Bert sa Las Vegas kahapon.

Sinabi ni Mayweather na tututukan na niya ngayon ang kanyang mga anak hanggang sa makatapos ang mga ito ng pag-aaral.

Ayon kay Mayweather, sa loob ng 19 na taong pakikipagbakbakan at pagiging world champion ng 18 taon ay nabasag na niya lahat ng records.

Bahagi na aniya ng kasaysayan ang kanyang record na 49-0 at umaasang din itong may papantay o hihigit sa kanyang record.

By: Ralph Obina

September 14, 2015 0 comment

SPORTS

Novak Djokovic naibulsa ang kampeonato sa US open

written by DWIZ 882

Tuluyang pinagharian ni Serbian tennis star Novak Djokovic ang kampeonato sa US Open.

Ito ay matapos niyang mai-dispatsa sa pahirapang laban ang karibal nitong si Roger Federer sa iskor na 6-4, 5-7, 6-4 at 6-4 pabor kay Djokovic.

Inamin ni Djokovic, na nahirapan siya sa laban lalo pa’t ganoon din aniya kadesidido si Federer na masungkit ang titulo ng US Open.

Naging emosyunal naman si Djokovic habang pinasasalamatan ang mga sumuporta sa kanya.

Ayon sa Serbian tennis star, isang malaking biyaya ang taong ito dahil sa bukod sa grandlam titles na kanyang naibulsa ay nabiyayaan pa silang mag-asawa ng isang supling.

Ngayong taon, napasakamay ni Djokovic ang mga kampeonato sa Australian Open, Wimbledon at ang US Open.

By: Ralph Obina

September 14, 2015 0 comment

SPORTS

NBA legend Moses Malone pumanaw na

written by DWIZ 882

Pumanaw na ang NBA legend at hall of famer na si Moses Malone sa edad na 60.

Bagaman hindi pa makumpirma ang sanhi ng kamatayan, sinasabing binawian ng buhay si Malone habang natutulog sa isang hotel sa Norfolk, Virginia sa Estados Unidos.

Nasa Virginia ang 12-time NBA all star para maglaro sa isang golf tournament.

Sa loob ng 20 season sa NBA ay naglaro ang tinaguriang “Chairman of the Boards” sa walong team kabilang ang Philadelphia 76ers na nagkampyon noong 1983.

Taong 1995 nang magretiro naman ang 6 foot 10 center at forward sa San Antonio Spurs.

By Drew Nacino

September 14, 2015 0 comment

SPORTS

Floyd Mayweather Jr. panalo kontra Andre Berto

written by DWIZ 882

Nananatiling undefeated si American boxer Floyd Mayweather Jr. Matapos talunin si WBA Welterweight Interim Champion Andre Berto sa kanilang laban na ginanap sa MGM Grand sa Las Vegas, Nevada.

Wagi si Mayweather via unanimous decision.

Dinomina ni Mayweather ang laban gamit ang matibay na depensa.

Samantala, nagpahiwatig naman si people’s champ Manny Pacquiao ng pagiging bored habang pinapanood ang Mayweather-Berto fight.

Sa kanyang Instagram account, ipinost ng pambansang kamao ang video na nilalaro ang cellphone na may caption na “What I do when I’m bored…”

Una nang inihayag ni Mayweather Jr. Na huling laban na nito kay Berto bago ang pagretiro sa boxing.

By: Meann Tanbio

September 13, 2015 0 comment

SPORTS

Saul “Canelo” Alvarez pinalawig na ang kontrata sa Golden Boy

written by DWIZ 882

Lumagda na sa isang multi – fight at multi – year contract extension, si dating WBA at WBC Super Welterweight Champion Saul “Canelo” Alvarez ng Mexico, sa Golden Boy Promotions.

Ito ay sa harap ng nakatakdang paglaban ni Alvarez sa Puerto Rican na si Miguel Cotto, para sa WBC Middleweight title, sa Nobyembre 21.

Ayon kay Alvarez, loyal siya sa Golden Boy at pinili niyang manatili ditto dahil alam nito kung paaano mag-develop ng isang fighter.

Sinabi naman ni Oscar dela Hoya, Chairman ng Golden Boy Promotions na patatatagin pa nito ang kanyang estado kapag nanalo ito sa laban nila ni Cotto.

By Katrina Valle

Photo grabbed from the internet

September 12, 2015 0 comment

Newer Posts

Older Posts