Sumailalim sa ikalawang microdiscectomy surgery sa likod si Golf Superstar Tiger Woods.
Umaasa naman si Woods ng full recovery matapos ang operasyon.
Ayon kay Woods, nagtitiwala na lamang siya sa kanyang mga doktor lalo’t sumasakit pa rin ang kanyang likuran matapos ang unang procedure noong 2014.
By: Meann Tanbio
Engaged na umano ang Filipino-American coach ng Miami Heat na si Erik Spoelstra.
Ito ang isiniwalat ni Spoelstra sa The Ticket Radio sa Estados Unidos.
Sinasabing ang dating Miami Heat dancer na si Nikki Sapp ang karelasyon ngayon ni Spoelstra.
Bago ang inanunsiyo ang kanilang engagement, una nang sinabi ni Spoelstra nag-eenjoy siya sa kanyang bakasyon matapos ang NBA season.
By Jelbert Perdez
Wala nang gana pang makipag-rematch si 8-Division World Champion Manny Pacquiao kay Floyd Mayweather Junior na nagretiro na matapos manalo via unanimous decision kay Andre Berto.
Ayon kay Pacquiao, wala nang saysay pa ang itulak ang laban kontra kay Mayweather.
Maliban dito, sinabi ni Pacquiao na wala sa kanyang focus ngayon ang boksing dahil sa nagpapagaling pa ito ng kanyang injury sa kanang balikat.
Ipinabatid ni Pacquiao na susunod pa siya magiging handa at maaaring lumaban sa kahit sinong boksingero.
By Ralph Obina
Sigurado nang pasok ang basketball team ng Spain sa 2016 Rio Olympics.
Ito ay makaraang talunin ng spain ang kalabang france sa overtime game sa semi-finals ng Euro Basket 2015 sa iskor na 80-75.
Nanguna sa panalo ng Espanya ang NBA star na si Pau Gasol na nakapagbaon ng 40 puntos para sa kanilang team.
Susunod na makakalaban ng Spain sa finals ang mananalo sa semi-finals match sa pagitan ng Serbia at Lithuania.
Matatandaang 2009 at 2011 nang magkampeon sa Euro Basketball ang Spain.
By: Ralph Obina
Nangako si tennis star Andy Murray na mabibigay ito ng 50 Pounds o katumbas ng mahigit 77 dollars sa United Nations Children’s Fund (UNICEF) sa bawat magagawa niyang aces sa laban ngayong taon.
Ayon kay Murray ito ay para makatulong siya sa mga refugee na dumadagsa ngayon sa Europa.
Kwento ni Murray, kanyang nakita sa telebisyon ang kalagayan ng mga migrante at kanya aniyang naramdaman na may dapat siyang gawin upang tulungan ang mga ito.
Dahil dito, mas makabuluhan at masarap aniya sa pakiramdam ang bawat aces nito dahil sa batid niyang marami siyang batang matutulungan upang maging ligtas ang mga ito.
Matatandaang noong US Open, nakapagtala ang Briton na si Murray ng 60 aces.
By: Ralph Obina
Sa halip na umangat, sumadsad pa ang ranking ni Pambansang Kamao Manny Pacquiao sa pound-for-pound ranking ng The Ring Magazine.
Ito’y kahit pa tuluyan nang nagretiro si American undefeated boxer Floyd Mayweather Jr. matapos ang laban nito kay Andre Berto noong Linggo.
Mula sa pang-anim na puwesto, dumausdos sa ika-walong puwesto si Pacquiao sa top 10 list ng mga pound-for-pound king.
At dahil wala na si Mayweather, nanguna sa listahan si Roman Gonzales ng Nicaragua na sinundan naman ni Andre Ward ng Amerika, Sergey Kovelev ng Russia, Gennay Golovkin ng Kazakhstan at Guillermo Rigondeaux.
By Jaymark Dagala
Ipinagbigay-alam na umano ni Filipino boxing icon Manny Pacquiao kay Bob Arum na gusto niyang lumaban sa ikalawang linggo ng Abril sa susunod na taon.
Kabilang sa mga posibleng sasagupain ni Pacquiao, ayon kay Arum, ay sina Terence Crawford, Amir Khan, Kell Brook, Lucas Matthysse at Juan Manuel Marquez.\Desidido naman umano si Arum na ilatag ang negosasyon para sa rematch nina Pacquiao at Marquez.
Mula nang matalo sa kamao ni Floyd Mayweather Jr. Noong Mayo ay hindi na muling nakasampa ng ring ang pambansang kamao dahil injury nito sa rotator cuff.
By: Jelbert Perdez
Inamin ni British boxer Amir Khan na may nagaganap na umanong pag-uusap para sa posibleng laban niya kay Manny Pacquiao.
Ayon sa Bolton Welterweight Fighter, pangarap niya ring makasagupa ang kanyang dating stablemate at naniniwala siyang isa ito sa mga malalaki niyang laban.
Sinabi ni Khan na sakaling maisara ang negosasyon ay posibleng maganap ang kanilang bakbakan ni Pacquiao sa susunod na taon.
Itinanggi naman ni Khan na haharapin niya sa ibabaw ng ring si former WBO Light-Welterweight Champion Ruslan Provodnikov.
Matatandaang huling lumaban si Khan noong Mayo kung saan giniba niya si Chris Algieri sa pamamagitan ng unanimous decision.
By: Jelbert Perdez
Nananatili ang Gilas Pilipinas sa ikatlong pwesto sa latest FIBA Asia power ranking na inilabas matapos ang submission ng final lineup para sa 2015 FIBA Asia Championship na gaganapin sa Changsa, China simula sa Setyembre 23.
Nangunguna pa rin ang titleholder na Iran, pumangalawa ang 15 time champion na China habang nasa ika-apat na posisyon ang Jordan at ikalima ang Chinese Taipei kahit pa bahagyang nabawasan ang puntos nito.
Umangat din ang Japan, Kazakhstan at Qatar habang bumaba ang ranking ng South Korea at Lebanon na ibinase sa kanilang performance sa mga nakalipas na regional tournament gaya ng William Jones Cup.
Samantala, malaki ang pag-asa ng Gilas na manguna sa Group B ng 2015 FIBA Asia Championship dahil pawang nasa labas ng top 10 ranking ang mga makakalaban na Palestine, Hong Kong at Kuwait.
By Drew Nacino
Umatras na sa US International figure skating classic sa Utah si Filipino figure skater Michael Christian Martinez.
Ito’y dahil sa acute asthma ni Martinez na sinasabing dinaranas ng Pinoy athlete simula noong ito’y 2 buwang gulang pa lamang.
Dahil dito, hindi pa tiyak kung makakasabak si Martinez sa isa pang torneo na gaganapin naman sa Finland sa susunod na buwan.
Si Martinez ay itinanghal na kauna-unahang figure skater mula sa Timong Silangang Asya na nakapasok sa Olympics at tanging atletang kumatawan sa Pilipinas sa Olimpiyada sa Sochi, Russia noong nakaraang taon.
By: Ralph Obina