SPORTS

Kinumpirma na ni WBC silver welterweight champion Amir Khan na nakikipag-usap na sila kay Top Rank CEO Bob Arum para sa kanilang laban ni 8-division world champion Manny Pacquiao.

Ayon kay Khan, isang magandang balita na nagbigay na ng go-signal ang mga doktor na maaari ng simulan ni Pacman ang kanyang training.

Gayunman, naka-depende anya kay Pacquiao kung kailan nito nais mag-ensayo para sa kanilang sagupaan na maaaring maganap sa Pebrero o Abril ng susunod na taon.

Hindi naman pinalampas ng British-Pakistani boxer na supalpalin si Floyd Mayweather dahil sa pag-atras nito sa kanilang negosasyon at sa halip ay kinalaban si Andre Berto.

Samantala, tiniyak ni Khan na handa na rin ang kanilang back-up plan sakaling hindi sumipot si Sarangani Congressman Pacquiao sa kanilang meeting o kung tumanggi ito sa laban.

By  Drew Nacino 

Nagtamo  ng panibagong injury  si  Chicago  Bulls guard Derrick Rose sa unang practice ng  koponan  bilang    paghahanda  sa nalalapit na   2015-2016  NBA season.

Nagtamo  si Rose ng left orbital fracture matapos  itong masiko  sa  mukha.

Dahil dito, kinakailangang sumailalim  sa operasyon ni Rose kayat  hindi  pa madetermina kung kailan ito   muling   magiging handa  sa   paglalaro.

Matatandaang sa  tatlong  taon  ni  Rose ay  kabi-kabila na ang injuries ng 2011 NBA MVP at  hindi rin nakapaglaro noong  2012-2013 season.

By: Ralph Obina 

Tiwala si Filipino American NBA Player Jordan Clarkson na malaki ang tiyansa ng Gilas Pilipinas na makapaglaro sa 2016 Rio Olympics.

Kasunod na rin ito ayon kay Clarkson ng magandang performance nila sa pagpapatuloy ng FIBA Asia Championship sa Changsa, China.

Binigyang diin ni Clarkson na malaking patunay sa kakayahan ng Gilas na maging kampeon sa FIBA Asia Championship ang pagpapatumba sa itinuturing na powerhouse team ng Iran.

Kasabay nito, nananatili ang pag-asa ni Clarkson na magiging bahagi pa rin ng Gilas lalo na kung makakapaglaro ang Teram sa Olympics.

By  Judith Larino   

Pahinga muna ngayong araw ang Gilas Pilipinas sa 2015 FIBA Asia Championship na ginaganap sa Changsha, China bago sumabak sa quarterfinals kontra Lebanon, bukas.

Aminado ang Philippine national basketball team na nakahinga sila ng maluwag nang ilampaso ang India sa 2nd round ng Group E sa score na 99-65, kahapon.

Ayon kay Gilas Coach Tab Baldwin, ang pagiging mas disiplinado ng team sa pamamagitan ng kaunting foul ang naging susi sa kanilang magkakasunod na tagumpay maliban sa kanilang buena manong talo sa Palestine.

Gayunman, hindi aniya magiging madali para sa kanila na makasagupa ang Lebanese team na nasa 34th spot ng FIBA world rankings lalo’t mas malalaki at mabibilis nitong mga player.

Maglalaban din sa quarter finals ang Qatar at Japan; China at India; Iran at South Korea habang huling magbabakbakan ang Pilipinas at Lebanon.

By  Drew Nacino 

Giniba ng Philippine National basketball team ang higanteng koponan ng India sa 2015 FIBA Asia sa Changsha, China.

Bagama’t dehado sa laki ay nanaig ang bilis ng Gilas squad sa pangunguna ni Terrence Romeo na kumamada ng 20 puntos kaya’t nasungkit ng Pilipinas ang score na 99-65.

Sa una at ikalawang quarter ay dikit ang laban, ngunit humataw ang Gilas pagsapit ng ikatlong yugto ng laro.

Sa pagkakataong ito, lumamang na ang mga Pinoy ng mahigit 10 puntos hanggang sa pagsapit ng ika-apat na quarter ay nabaon ang India ng mahigit 30 puntos.

Dahil sa panalo, nahablot ng Gilas Pilipinas ang unang pwesto sa group E ng FIBA Asia at pasok na rin ito sa knockout stage ng naturang torneo.

By: Jelbert Perdez

Mahigpit na depensa.

Ito ang nakita ni sports analyst Ronnie Nathanielsz na susi sa naging tagumpay ng Gilas Pilipinas kontra Iran kahapon.

Ayon kay Nathanielsz, bagamat naging agresibo sa opensa ang Gilas kahapon ay maganda aniya ang ipinakitang disiplina ng mga ito pagdating sa depensa kaya’t di umubra ang powerhouse Iran.

“Sobrang galing na coach itong si Baldwin kasi ang estilo niya he will give the player freedom to play, it’s not very strict organized kind of offense but defensively he is very very organized, para sa kanya the key to winning is through defense, and again team like Iran, you have to play excellent defense.” Ani Nathanielsz.

Maliban dito, nakahanap din aniya ng katapat si Amed Haddadi ng Iran sa katauhan ni naturalized Gilas player Andray Blatche.

“‘Yung estilo ni Haddadi, he is a very nice person, but he is always dominated, this time he met his match in a much quicker smarter Andray Blatche.” Pahayag ni Nathanielsz.

By  Ralph Obina | Karambola  

Handa na ang Pilipinas para sa kanilang huling game sa 2nd round ng 2015 FIBA Asia Championship sa Changsa, China.

Huling makalalaban ng Pilipinas sa group E ang Indian national team mamayang alas-2:30 ng hapon.

Gayunman, aminado si Gilas Coach Tab Baldwin na hindi magiging madali para sa kanila na sagupain ang India lalo’t may malakas din itong lineup gaya ng Iran.

Marami rin anyang mas bata at malaking player ang Indian team kaya’t hindi sila nagpapaka-kampante.

Kasalukuyang hawak ng Philippine national team ang kartadang 3 wins at 1 loss sa naturang torneyo at otomatikong abante na sa final rounds.

By Drew Nacino   

Matagumpay na naisakatuparan ng Gilas Pilipinas ang kanilang plano para talunin ang matagal nang karibal at ang defending champion na koponan ng Iran sa nagpapatuloy na FIBA Asia Championship.

Tinambakan ng Pilipinas ang Iran sa ika-apat na quarter kung saan nagtapos ang salpukan sa iskor na 87-73.

Nanguna sa tagumpay ng Gilas Pilipinas si naturalized Andray Blatche na hindi ininda ang kanyang ankle injury at nakipagsabayan sa higante ng Iran na si Hamed Haddadi.

Malaking parte din ang ginampanan nila Jayson Castro at Terrence Romeo para sa opensa ng Gilas.

Huling natalo ng Gilas ang Iran noon pang 2011.

Dahil dito, nakatikim na ng talo ang Iran na mayroon nang tatlong panalo.

Tabla na sila ng Gilas na mayroon na ring 3 panalo at isang talo.

By Ralph Obina  

Tumagal lamang ang paghahari ni Filipino Australian Jason Day bilang world number one golfer ng isang linggo.

Ito ay matapos maagaw ni American Jordan Spieth ang paghahari makaraang mapalalunan nito ang tour championship at Fed Ex Cup nito lamang weekend.

Sa kabila ng panghihinayang, tiniyak ni Day na bababawi siya at babangon sa susunod na torneo partikular sa Presidents Cup na gaganapin sa South Korea sa susunod na dalawang linggo.

Malaki pa rin ang pagpapasalamat ni Day sa taong ito na isang malaking karangalan na aniya ang pagharian niya ang PGA Championship at may bonus pa aniyang naging number one golfer siya sa buong mundo.

By  Ralph Obina  

Inalis ni naturalized Filipino Andray Blatche ang agam-agam ng mga Pinoy basketball fan na hindi nito maibibigay ang 100 porsyento niyang laro sa laban kontra Iran dahil sa kanyang injury.

Ayon kay Blatche handing-handa siyang sagupain ang 7’ 2” na alas ng Iran na si Hamed Haddadi.

Tiniyak ni Blatche na kanyang pangungunahan ang Gilas at magbibigay ito ng magandang laban kontra Iran.

Kasalukuyang hawak ng Pilipinas ang dalawang panalo at isang talo habang tatlo ang panalo ng Iran at wala pang talo.

By  Ralph Obina