SPORTS

Muling sumuwag ng panalo ang Far Eastern University tamaraws kontra Ateneo De Manila Blue Eagles sa Season 78 ng University Athletic Association of the Philippines.

Pinadapa ng Tamaraws ang Eagles sa score na 66-61, sa 2^nd round ng torneyo, sa Araneta Coliseum, Quezon City, kanina.

Kumamada ng 12 points si Mac Belo para sa FEU habang walang nagawa ang 15 points ni  Kiefer Ravena ng Ateneo upang makahabol.

Nangunguna pa rin ang Tamaraws sa kartadang 7 panalo at isang talo at tiyak ng may pwesto sa final 4 habang nasa ika-4 na pwesto ang Blue Eagles.

By: Drew Nacino

Malaki ang posibilidad na matuloy ang labanang Manny Pacquiao at Amir Khan sa susunod na taon.

Ayon mismo kay Khan, 75 porsyento ang tyansa na makakabakbakan niya sa ibabaw ng ring si Pacman.

Sa ngayon anya, may nagaganap nang pakikipag-usap sa pagitan ng kanyang panig at  kampo ni Pacquiao.

Kung matatandaan, una nang sinabi ng pambansang kamao na posible niyang makasagupa sa Khan bago siya magretiro sa boksing.

Ayon pa kay Pacquiao, posibleng sa Marso o Abril maganap ang labanan nila ni Khan, ilang linggo bago ang eleksyon sa Mayo 2016.

By: Jonathan Andal

Nagpatuloy ngayong araw ang stage 3 ng 2015 Giro de Pilipinas, isang cycling event na pinangunahan ng DWIZ 882 at Home Radio Natural.

Kasama ang mga partner sponsors gaya ng Petron, Tang, HMR Trading House, Salinas food products at 3-Q Productions.

Nagsimula ang cycling event mula sa lighthouse sa Subic patungo sa Mount Samat sa Bataan.

Naitala na rin ang mga nagwagi para sa iba’t ibang kategorya para sa open category, managers, women, 46 years old and up, 34 to 45 years old at junior category.

Samantala, bukas isasagawa naman ang huli at ika-apat na stage para sa naturang cycling event na nagsimula pa kahapon.

By  Allan Francisco

*Photo Credit: Mr. Abet Sikat ABC (VP Sales and Marketing)

Pinag-aaralan ng FIFA ang posibleng pagpapaliban ng nakatakdang eleksyon para sa kanilang susunod na presidente na una nang itinakda sa Pebrero 26.

Ito ay matapos suspindihin si FIFA President Sepp Blatter at UEFA President Michel Platini.

Pagpapasyahan ng football association ang pagpapaliban ng eleksyon, sa gagawing emergency meeting ngayong linggo.

By  Katrina Valle

Inihayag ni 8- Division World Champion Manny Pacquiao na mayroong nagaganap na negosasyon para sa posibleng laban nito kay undefetead boxer Floyd Mayweather Jr. o kay Amir Khan.

Ayon kay Pacquiao, posibleng sa Nobyembre o Disyembre ay madesisyunan na kung sino ang kanyang makakasagupaan sa susunod na taon.

Sinabi ni Pacquiao na kahit kanino naman kina Mayweather at Khan ay handa niyang labanan.

Samantala, iginiit ni Top Rank CEO Bob Arum na wala siyang alam sa sinasabing nagaganap na negosasyon para sa rematch fight nina Pacquiao at Mayweather.

Sinabi ni Arum na nasorpresa siya sa naturang ulat lalot retirado na aniya si Mayweather.

Dahil dito, duda si Arum na may magaganap pang rematch sa pagitan ni Mayweather at ng Pambansang Kamao.

By  Ralph Obina 

Tuloy tuloy  ang  pagsungkit ng  panalo  ni  top seed  Novak  Djokovic sa  China Open.

Ito ay makaraang walang kahirap   hirap na   tinalo  ni   Djokovic   ang   kalabang  si  Zhang Ze  ng  China  sa   iskor na  6-2 ,  6-1.

Dahil    dito,  hawak na  ni   Djokovic  ang  ikalawang  longest  unbeaten  record  sa  mga nagdaang  ATP tournament   matapos   makuha ang  26 na   sunod   niyang  panalo.

Siya ay  susumusunod  lamang kay Spanish tennis  star  Rafael  Nadal na mayroong  31 sunud sunod na   panalo na nakuha nito  sa  French open at  Roland Garros.

Samantala, makakaharap naman sa   quarterfinals  ni  Djokovic  ang  American   tennis  player na   si  John Isner.

By: Ralph Obina

Napasakamay ng Pinay skater na si Charmaine Skye Chua ang gold medal sa ginanap na 2015 Asia Junior Figure Skating Challenge sa Festival Walk, Glacier sa Hong Kong.

Tinalo ni Chua ang limang iba pang contestant sa Basic Novice Subgroup A.

Naging mahigpit na kalaban ni Chua ang mga skater mula sa China at Indonesia.

By Judith Larino 

Tikom ang bibig ng Samahang Basketball ng Pilipinas sa magiging kapalaran sa hinaharap ng Gilas Pilipinas matapos mabigong masungkit ang gintong medalya sa FIBA Asia Championhip.

Ayon kay SBP Executive Director Sonny Barrios, wala pang napagkasunduan ang board sa kung lalaban pa o hindi na ang Gilas sa Olympic qualifying tournament sa susunod na taon.

Sa ngayon, sinabi ni Barrios na mas nais muna nilang pag usapan ang ginawang kabayanihan ng Gilas sa pagkakapanalo ng mga ito ng pilak na medalya kontra China.

Matatandaang sa finals ng FIBA Asia, kinapos ang Gilas kontra China sa score na 78-67.

By: Ralph Obina

Target ng Philippine Azkals na pahiyain ang tropa ng North Korea sa paghaharap ng mga ito sa World Cup qualifying match mamayang alas-3:00 ng hapon.

Sinabi ni Azkals Coach Thomas Dooley na determinado silang pumangalawa sa puwesto sa Group H.

Matapos matalo sa Uzbekistan, ang Azkals ay naging ikatlo na lamang sa puwesto.

Nangunguna pa rin ang 129th ranked Koreans sa Group H na may siyam na puntos matapos manalo sa unang tatlong match habang pangalawa naman ang Uzbekistan.

By  Judith Larino