SPORTS

Walang kahirap-hirap na nakalusot sa Quarterfinals ng Barcelona champion si defending Champion Rafael Nadal.

Ito ay makaraang talunin ni Nadal ang katunggaling si Kevin Anderson sa iskor na 6-3 at 6-4.

Samantala, hindi naman naging madali para kay Murray ang pag-abanse sa Quarterfinals kung saan ay nahirapan ito sa kalabang si Feliciano Lopez.

Natapos ang gitgitang laban nina Murray at Lopez sa iskor na 6-4 , 6-4.

Ang nine (9) time barcelona champion na si Nadal ay susunod na makakaharap si Hyeon Chung ng South Korea habang si Murray ang makakatunggali ni Albert Ramos-Vinolas.

By Ralph Obina

Pasok na sa quarterfinals ng Stuttgart Grand Prix Finals si Russian tennis star Maria Sharapova.

Ito ay matapos niyang talunin ang kababayang si Ekaterina Makarova sa iskor na 7-5 at 6-1 sa larong ginanap sa Germany.

Makakaharap sa quarterfinals ni Sharapova ang pambato ng Estonia na si Anett Kontaveit.

Matatandaang labin limang (15) buwan din nawala sa tennis scene si Sharapova matapos itong masuspinde dahil sa paggamit ng ipinagbabawal na substance.

By   Ralph Obina  

Isang panalo na lang ang kailangan ng Boston Celtics para makalusot sa NBA Semi-Finals.

Ito ay makaraang padapain ng Celtics ang kalabang Chicago Bulls sa Game 5 ng NBA Playoffs.

Nanguna sa panalo si Isaiah Thomas na kumana ng dalawamput apat (24) na puntos habang nag-ambag naman ng dalawamput isang (21) puntos si Al Horford.

Ang Game 6 sa pagitan ng Celtics at Bulls ay gaganapin sa Sabado sa Homecourt ng Chicago.

By Ralph Obina

Nangunguna pa rin ang National Capital Region (NCR) sa medal tally ng 60th Palarong Pambansa sa San Juan de Buenavista, Antique.

Mayroon nang limampung (50) gold, dalawampu’t pitong (27) silver at dalawampung (20) bronze medals ang mga kabataang atleta mula Metro Manila.

Pangalawa ang Western Visayas na may 14 gold, 7 silver at 11 bronze na sinundan ng Negros Island Region na mayroong 10 gold, 11 silver at 11 bronze medals.

Samantala, binasag ng tinaguriang pinakamabilis ng isang kinse (15) anyos mula Dasmariñas, Cavite ang record sa athletics at nasungkit ang gold medal sa 100 meters event sa oras na 10.96 seconds lamang.

Hindi makapaniwala si Veruel Verdadero, atleta at Grade 9 student mula CALABARZON na nabasag niya ang record sa atheltics upang maiuwi ang kanyang unang gintong medalya.

By Drew Nacino  

Lusot na sa Semifinals ng NBA Western Conference ang Houston Rockets.

Ito ay makaraang payukuin ng Rockets sa Game 5 ng Playoffs ang Oklahoma City Thunder sa iskor na 105-99.

Nanguna sa panalo ng Rockets si Russell Westbrook na nakapagtala ng 47 puntos.

Makakaharap ng Rockets sa Semifinals ng Western conference ang koponan na mananalo sa pagitan ng San Antonio Spurs at Memphis Grizzlies.

By Ralph Obina

Mas bumilis pa ang bentahan ng ticket para sa bakbakang Pacquiao-Horn nang makita ng Australian fans ang senador sa kanilang mismong bansa.

Ayon ito kay Top Rank CEO Bob Arum na tiwalang mauubos ang ticket para sa nasabing sagupaan sa Brisbane, Australia.

Mula nang i-anunsyo na available na ang ticket noong isang linggo, dinumog na ito kaagad at dumoble ang bilihan ng ticket ng makita ang fighting senator sa Australia.

Sa Biyernes sisimulan na ring ibenta ang general admission tickets na nagkakahalaga ng 100 US dollars pababa.

Ang Pacman-Horn bout na tinaguriang fight of the decade ay isang malaking event sa Australia at pupuno sa limampu’t limang libong (55,000) seating capacity ng Suncorp Arena.

By Judith Larino    

Pinayuhan ni fighting Senator Manny Pacquiao ang sunod niyang makakalaban na si Jeff Horn, na magsikap at maging isang daang (100) porsyentong nasa kundisyon para sa kanilang pagtutuos sa Hulyo 2.

Ito ay sa kanyang pagdating sa Brisbane, Australia para sa napipintong promotional tour ng kanilang laban na gagawin sa Lang Park.

Sinabi ni Pacman na hindi niya gaanong kilala si Horn pero nakatitiyak siyang isa itong “fighter.”

Makabubuti, aniyang, parehas silang nasa kondisyon ni Horn sa kanilang laban para maging maganda ito at ma-entertain ang mga manonood.

By Katrina Valle    

Hindi pa tapos sa pagbo-boksing si Senador Manny Pacquiao.

Sa gitna na rin ito nang paghahanda ni Pacman sa kaniyang laban kay Jeff Horn sa Brisbane, Australia sa July 2.

Ayon sa Pambansang Kamao, ang pakikipag bakbakan niya kay Horn ay pagkakataon para mapatunayan niyang pumapaimbulog pa rin siya sa mundo ng boksing sa edad na 38 kasabay ang karera niya sa pulitika bilang senador.

Inihayag ni Pacman na wala pa siyang napapanood na laban ni Horn subalit tututukan niya ang tatlong (3) huling laban ng Australian Boxer na aniya’y kilala bilang fighter.

Sinabi ni Pacquiao na passion na niya ang pagbo-boksing at bahagi na ito aniya ng kaniyang buhay kaya nga nagsimula siya rito sa batang edad.

By Judith Larino