RONDA PROBINSYA

Pinuri ng Presidential Task Force on Media Security (PTFoMS) ang pagkakaaresto ng mga awtoridad sa isa pang suspek sa Ampatuan massacre sa Datu Saudi Ampatuan, Maguindanao noong 2009.

Sa report na isinumite sa PTFoMS, kinilala ni Maguindanao Police Provincial Office provincial director Police Col. Donald Madamba ang nadakip na si Andami Singkala o alyas Yamani Baga Dimaukom.

Ayon naman kina PTFoMS Executive Director Undersecretary Joel Sy Egco at Presidential Communications Operations Office Secretary Martin Andanar, patuloy na mino-monitor ng kanilang tanggapan ang ginagawang pagtugis ng mga awtoridad sa mga natitira pang suspek sa masaker.

Matatandaang limampu’t walong indibidwal ang nasawi, kabilang ang mahigit tatlumpung mamamahayag, matapos tambangan ang convoy ni dating Vice Mayor Esmael Mangudadatu noong Nov. 23, 2009.

April 25, 2021 0 comment

RONDA PROBINSYA

Pagsingaw sa main crate ng Taal Volcano namataan

written by DWIZ 882

Naitala ang 29 na mga volcanic earthquakes at 23 na mga volcanic tremors sa Taal Volcano nitong nakaraang magdamag.

Ayon sa Phivolcs, nagtagal ang mga volcanic activities mula isa hanggang 12 minuto.

Bukod dito, may nakita ring mahinang pagsingaw sa main crate ng lake kahapon ng umaga na aabot sa 10 metro ang taas.

Dahil dito, nananatiling nakasailalim sa alert level 2 ang Taal Volcano dahilan para ipagbawal pa rin ang pagpasok sa volcano island na idineklarang permanent danger zone.

April 25, 2021 0 comment

HEADLINES NATIONAL NEWS RONDA PROBINSYA

Bagyong Bising nakalabas na ng PAR

written by DWIZ 882

Lumabas na ng Philippine Area of Responsibility (PAR) ang bagyong Bising kaninang madaling araw.

Sa inilabas na report ng PAGASA, sinabi nito na dakong alas-5:40 ng madaling araw kanina lumabas ang bagyo.

Sa kabila nito, ayon sa PAGASA, ang Metro Manila at iba pang lugar sa bansa ay makararanas ng bahagyang maulap hanggang maulap na papawirin ng may panaka-nakang pag-uulan dahil sa localized thunderstorm.

April 25, 2021 0 comment

NATIONAL NEWS RONDA PROBINSYA

Moreno, Remulla nagkaayos na

written by DWIZ 882

Nagkaayos na sina Manila Mayor Isko Moreno ang Cavite Governor Jonvic Remulla.

Sa isang post online, sinabi ni Remulla na peace o bati na umano sila ni Moreno.

Kung kaya’t ani Remulla, dapat mag-move on na ang mga netizens sa naturang isyu dahil malinaw na wala raw silang awayan.

Mababatid na bago nito ay ikinagalit ni Remulla ang komento ni Moreno na wala umanong natanggap na tulong pinanasyal ang mga taga-maynila na na-relocate sa Naic sa Cavite.

Giit dito ni Remulla, masyadong mayabang si moreno para sabihin ito.

Sa ngayon, maayos na raw ang relasyon ng dalawa.

April 24, 2021 0 comment

RONDA PROBINSYA

Sarangani sa Davao Occidental niyanig ng magnitude 4.8 na lindol

written by DWIZ 882

Niyanig ng magnitude 4.48 na lindol ang Sarangani sa Davao Occidental ngayong Sabado, ika-24 ng Abril.

Ayon sa tala ng Philippine Institute of Volcanology and Seismology (Phivolcs), tumama ang naturang lindol dakong 7:09 ng umaga sa Sarangani at may lalim itong 11 km.

Naitala ang episentro ng lindol sa layong 72 silangang bahagi ng Sarangani sa Davao Occidental at tectonic ang pinagmulan.

Samantala, wala namang naitalang intensity at wala ring inaasahang aftershocks matapos ang lindol.

JUST IN: Niyanig ng magnitude 4.8 na lindol ang Sarangani, Davao Occidental dakong 7:09AM | via @phivolcs_dost https://t.co/jIEReboffZ pic.twitter.com/zuV7RJqyzS

— DWIZ Newscenter (@dwiz882) April 24, 2021

April 24, 2021 0 comment

NATIONAL NEWS RONDA PROBINSYA

Davao Occidental niyanig ng magnitude 4.9 na lindol

written by Gilbert Perdez

Niyanig ng magnitude 4.9 na lindol ang Davao Occidental.

Ayon sa Phivolcs, naitala ang pagyanig sa layong 96 kilometro sa timog silangan ng bayan ng Sarangani.

Sinasabing ‘tectonic’ ang pinagmulan ng nabanggit na lindol.

Kasabay nito, nagkaroon din ng magnitude 4.8 na lindol sa lalawigan ng Zambales.

Wala namang naitatalang pinsala at inaasahang aftershocks sa mga nasabing pagyanig.

April 24, 2021 0 comment

RONDA PROBINSYA

PNP hawak na ang isa sa miyembro ng MILF sa Zamboanga del Norte

written by Gilbert Perdez

Hawak na ng Pambansang Pulisya ang isa sa mga umano’y miyembro ng Lost Command ng Moro Islamic Liberation Front (MILF) sa Zamboanga del Norte.

Kinilala ni PNP Chief Police Gen. Debold Sinas ang naaresto na si Kayser Martinez alias Alihamra Martinez, 37-anyos.

Naaresto si Martinez ng mga pulis sa ikinasang operasyon sa bahagi ng Siocon sa nasabing lalawigan sa bisa ng warrant of arrest dahil sa kasong multiple murder.

Sinasabing miyembro si Martinez ng MILF Lost Command sa ilalim ng grupo nina Hairulla Hassan alias Hayron Hassan at Eddie Namenso alias Commander Liwayway.

Nabatid na sila ang nasa likod ng madugong pagpatay sa apat na indibidwal sa Guisakan, Brgy. D. Reconalla sa nasabing bayan noong August 1999.

Nagpapatuloy naman ang pagtugis ng mga awtoridad sa mga pinuno ng grupo at iba pang kasamahan nito na nag-o-operate sa lugar bilang local terrorist group. —ulat mula kay Jaymark Dagala (Patrol 9)

April 24, 2021 0 comment

HEADLINES NATIONAL NEWS RONDA PROBINSYA

Mapa ng mga community pantry sa bansa binuo

written by DWIZ 882

Isang crowdsourced map ng community pantry ang binuo ng isang grupo ng Filipino geographers para mas maging madali ang pagtukoy sa lokasyon ng pinakamalapit na community pantry sa isang lugar.

Ayon kay Andi Tabinas, visual designer at urban planner, makikita ang lokasyon ng lahat ng community pantry sa buong bansa at tinawag itong “saan may community pantry?”

Mula kahapon, natukoy ng grupo ni Tabinas ang lokasyon ng 358 community pantries sa buong bansa.

Ani Tabinas, hangga’t mayroong community pantry na nakatutulong sa maraming mahihirap na Filipino, kanilang ipagpapatuloy ang pagsasaayos ng mapa nito at pakikipag-ugnayan sa ibang grupo at volunteers para sa mas ikagaganda nito.

April 23, 2021 0 comment

NATIONAL NEWS RONDA PROBINSYA

Mahigit P218-M pinsala sa agrikultura naitala dahil sa bagyong Bising — NDRRMC

written by DWIZ 882

Nakapagtala ng mahigit sa P218-M halaga ng pinsala sa agrikultura ang natamo sa ilang lugar sa bansa dahil sa hagupit ng bagyong Bising.

Ito’y ayon sa National Disaster Risk Reduction and Management Council (NDRRMC) kung saan naitala ang pinsala sa mga pananim sa Bicol at Eastern Visayas region.

Nasa mahigit P10-M naman ang halaga ng pinsala sa mga imprastruktura ang naitala habang ayon sa tala ng NDRRMC ngayong ika-23 ng Abril, nasa 1,374 na kabahayan sa Bicol, Eastern Visayas, at Caraga Regions ang bahagyang nasira at 94 kabahayan naman ang ganap na nasira.

Samantala, pumalo naman sa 75,448 na mga pamilya o 302,564 katao sa Cagayan Valley, Bicol, Eastern Visayas at Caraga regions ang naapektuhan ni Bising.

April 23, 2021 0 comment

HEADLINES NATIONAL NEWS RONDA PROBINSYA

League of Provinces of the Philippines ‘di sang-ayon na paikliin ang quarantine period ng mga umuuwing OFWs

written by Judith Estrada-Larino

Kontra ang League of Provinces of the Philippines (LPP) sa pinaplanong pagbabawas sa 14-day quarantine period ng mga umuuwing Overseas Filipino Workers (OFWs) bago makauwi sa kani-kanilang probinsya.

Ayon kay Marinduque Governor Presbitero Velasco, Jr., pangulo ng LPP, hindi lahat ng local government ay mayroong pondo para i-accommodate ang mga OFWs na magku-quarantine pa sa local facilities.

Sila aniya kasi ang sasagot sa pagkain at tirahan pansamantala ng mga OFWs na kababayan nila habang tinatapos ang kabuuang quarantine period nito.

Una nang isinulong ni Labor Secretary Silvestre Bello III ang 10 araw na lamang na quarantine period para sa mga OFWs dahil nanganganib nang masimot ang pondo ng Overseas Workers Welfare Administration (OWWA) na magbabayad kung saan muna mananatili pansamantala ang mga OFWs.

April 23, 2021 0 comment

Newer Posts

Older Posts