RONDA PROBINSYA

Pinagkalooban ng tulong ng Department of Education (DepEd) ang limang guro at dalawang volunteer-teachers ng Hubo Elementary School sa Magallanes, Sorsogon na nakaligtas matapos lumubog ang sinasakyan nilang bangka habang bumibiyahe patungong paaralan.

Sa isang pahayag, sinabi ni DepEd Secretary Leonor Briones na ang mga titser ay binigyan ng financial assistance at psychosocial support ng kanilang field office sa lalawigan dulot ng naranasang physical at emotional trauma ng mga ito.

Bukod dito, sinabi ni Briones na handa ring palitan ng Schools Division Office ang mga nasira o nawalang equipment ng mga guro at binigyan din ng sila ng sapat na leave credits upang tuluyang maka-recover sa trahedya.

Matatandaang na-rescue ang mga guro noong Mayo 3 makaraang lumubog ang sinasakyan nilang bangka nang hampasin ng malakas na hangin at alon.

May 16, 2021 0 comment

HEADLINES NATIONAL NEWS RONDA PROBINSYA

35 health workers sa Iloilo City tinamaan ng COVID-19

written by Judith Estrada-Larino

Nagpositibo sa COVID-19 ang 3 health workers sa isang pribadong ospital sa Iloilo City.

Ayon kay Dr. Florentino Alerta, training consultant at safety and pollution control officer ng Iloilo mission hospital ang karamihan sa mga nagpositibo ay mula sa business office nila at una nang nabakunahan ng AstraZeneca at Sinovac.

Dahil dito muling nagpaalala si Alerta sa publiko na proteksyon lamang ang COVID-19 vaccine para hindi lumala ang kondisyon ng isang pasyenteng nahawahan ng virus.

May 14, 2021 0 comment

HEADLINES RONDA PROBINSYA

Zamboanga City umaapela sa nat’l gov’t na mapalawig pa ang MECQ sa lugar nila

written by Judith Estrada-Larino

Umaapela sa national government ang Zamboanga City para mapalawig ang modified enhanced community quarantine (MECQ) status nito simula sa ika-15 ng Mayo.

Ayon kay Zamboanga City Mayor Beng Climaco, kulang pa ang panahong nasa MECQ ang lungsod dahil hinihiling mismo ng mga doktor na ma-extend pa ang MECQ ng dalawang linggo hanggang isang buwan dahil sa pagsirit ng coronavirus disease 2019 (COVID-19) cases dito.

Sinabi ni Climaco na 600 hanggang 1,000 residente ang nakahome quarantine na dahil sa kakulangan ng isolation facilities.

Ang Zamboanga City ay nasa ilalim ng MECQ mula ika-8 ng Mayo hanggang bukas, ika-14 ng Mayo at nasa 2, 039 na ang active cases hanggang ngayong araw na ito.

May 13, 2021 0 comment

HEADLINES HOT STORIES OF THE WEEK NATIONAL NEWS RONDA PROBINSYA

287 Chinese militar vessels namataan sa Kalayaan waters —task force

written by DWIZ 882

CHINESE maritime militia vessels WEST PHILIPPINE SEA

Halos 300 Chinese militia vessels ang namataan sa karagatang sakop ng bayan ng Kalayaan sa Palawan.

Ito’y ayon sa government task force ng West Philippine Sea batay na rin sa kanilang isinagawang pagpapatrolya noong Linggo, ika-9 ng Mayo.

Ayon sa ulat ng National Task Force on West Philippine Sea (NTF-WPS), nasa 287 na Chinese Maritime Militia vessels ang namataan sa Kalayaan waters na kapwa nasa loob at labas ng exclusive economic zone ng Pilipinas.

Sa kabila pa rin ito ng paulit-ulit nang pakiusap ng mga opisyal ng pamahalaan na i-pull out na ng China ang kanilang mga barko sa karagatang sakop ng Pilipinas.

Bukod pa rito, isang Chinese Coast Guard vessel din ang namataan sa Ayungin Shoal sa gitna naman ng pagpapatrolyo ng naturang task force noong nakaraang linggo.

Samantala, nanindigan naman ang NTF-WPS na patuloy nilang paiigtingin ang kanilang presenya sa West Philippine Sea upang maprotektahan ang kapakanan at karapatan ng mga mangingisdang Pinoy.

Hinimok din nila ang mga kababayang mangingisda na magpatuloy sa kanilang paglalayag at pangingisda sa WPS.

May 12, 2021 0 comment

RONDA PROBINSYA

LPA namataan sa Mindanao —PAGASA

written by Judith Estrada-Larino

Isang Low Pressure Area (LPA) ang namataan ng Philippine Atmospheric, Geophysical and Astronomical Services Administration (PAGASA) sa Mindanao.

Ayon sa PAGASA, ang nasabing LPA ay pinakahuling namataan sa layong halos 500 kilometro silangan ng Davao City at ito ay nakapaloob sa Inter Tropical Convergence Zone na nakakaapekto sa Mindanao.

Gayunman, ipinabatid ng PAGASA na mababa ang tsansang maging bagyo ng nasabing LPA.

May 12, 2021 0 comment

HEADLINES RONDA PROBINSYA

Abra De Ilog, Occidental Mindoro binulabog ng M5.8 na lindol ngayong Miyerkules

written by DWIZ 882

Niyanig ng magnitude 5.8 na lindol ang lalawigan ng Occidental Mindoro ngayong Miyerkules ng umaga.

Ayon sa PHIVOLCS, naitala ang sentro ng lindol sa layong 11 kilometro, hilagang silangan ng Abra De Ilog dakong alas-9:09 ng umaga.

May lalim itong 110 kilometro at tectonic ang pinagmulan.

Samantala, bagaman walang inaasahang pinsala dahil sa naturang lindol ay inaasahan naman ang pagkakaron ng mga aftershocks.

#EarthquakePH #EarthquakeOccidentalMindoro
Earthquake Information No.1
Date and Time: 12 May 2021 – 09:09 AM
Magnitude = 5.8
Depth = 110 kilometers
Location = 13.55N, 120.73E – 011 km N 01° E of Abra De Ilog (Occidental Mindoro)https://t.co/f4WGnEJvFh pic.twitter.com/u7BNq921Mn

— PHIVOLCS-DOST (@phivolcs_dost) May 12, 2021

Intensities ng lindol

Dahil sa M5.8 na lindol sa Abra De Ilog, Occidental Mindoro, naramdaman ang mga sumusunod na intensities:

Intensity III
• Agoncillo, Cuenca, Lipa City atTalisay, Batangas
• General Trias City and Dasmariñas, Cavite
• Calamba, Laguna
• Makati, Muntinlupa, Mandaluyong, Pasay, Pasig at QC
• San Pedro, Laguna
Intensity V
• Lubang, Occidental Mindoro
• Calamba, Laguna
• Calatagan and Calaca, Batangas
Intensity IV
• Malvar and Lemery, Batangas
• Calapan City, Oriental Mindoro
• Mendez, Cavite
• Limay, Bataan
• Tagaytay City
• Manila City
Intensity II
• Caloocan at Marikina
• Olongapo City, Zambales
• Cavite City
• Sta. Cruz, Laguna
• Taysan, Batangas
• Batangas City
• Lucena City
• Binangonan, Rizal
• Dolores and Mulanay, Quezon

Intensity I
• San Mateo, Rizal
• San Francisco, Quezon

May 12, 2021 0 comment

RONDA PROBINSYA

Limitadong biyahe ng 6 bus company sa Bicol sinimulan na

written by Judith Estrada-Larino

Tuluy-tuloy ang biyahe ng anim na provincial bus mula sa Tabaco City sa Bicol hanggang sa Parañaque Integrated Terminal Exchange (PITX).

Nabatid na nasa limang araw na ang biyahe ng mga nasabing bus kung saan 50% lamang ang pinapayagang passenger capacity at tanging ang mga pasaherong mayroong essential travel sa Maynila ang maaaring sumakay na kailangang magpabook, tatlong araw bago ang mismong byahe.

Ipinag-utos naman ng Tabaco local government na dalawang bus lamang ang maaaring magbiyahe tuwing alas-5 ng hapon kada araw para maging limitado pa rin ang galaw ng mga tao patungo sa NCR Plus o Metro Manila, Bulacan, Rizal, Cavite at Laguna.

Mahigpit pa rin ang paalala ng mga otoridad kaugnay sa pagsunod sa health and safety protocols sa mga tauhan at pasahero.

May 12, 2021 0 comment

HEADLINES RONDA PROBINSYA

Health system sa CDO ‘manageable pa’ matapos mapabilang sa ‘areas of concern’ sa COVID-19 —CDO mayor

written by Judith Estrada-Larino

Inamin ni Cagayan De Oro City Mayor Oscar Moreno ang pagtaas ng kaso ng coronavirus disease 2019 (COVID-19) sa lungsod.

Sa katunayan, ipinabatid sa DWIZ ni Moreno, na nasa 5,376 ang COVID-19 cases ng lungsod hanggang kahapon at nasa average na 60 hanggang 70 cases kada araw.

Ito ay matapos mapabilang ang Cagayan De Oro City sa tatlong lugar na sa mga lalawigan na nakapagtala ng mataas na kaso ng COVID-19 sa mga nakalipas na linggo.

Gayunman, inihayag ni Moreno na manageable pa naman ang kanilang health system sa critical care at adjusted na ang ICU (intensive care unit) beds sa lungsod.

Manageable pa naman ‘yung ating health system… adjusted na ‘yung ating ICU beds, ‘yung ating makina tulong sa mga nahihirapang huminga. ‘Yung ating contact tracing system is okay pa naman,” ani Moreno. —sa panayam ng IZ sa Alas Sais

May 10, 2021 0 comment

NATIONAL NEWS RONDA PROBINSYA

Maraming residente ng Datu Paglas, Maguindanao takot pa ring umuwi sa kani-kanilang mga bahay

written by Gilbert Perdez

Takot pa ring umuwi sa kani-kanilang mga bahay ang maraming residente ng Datu Paglas, Maguindanao.

Ito’y matapos lumikas ang mga ito nang magkasagupa ang militar at mga miyembro ng Bangsamoro Islamic Freedom Fighters (BIFF).

Kahit nakauwi na ang ilang residente, marami pa ring ayaw bumalik sa kanilang tahanan dahil sa takot na muling magkaroon ng bakbakan.

Magugunitang nagka-engkwentro ang mga sundalo at ang tinatayang dalawampung miyembro ng BIFF sa nasabing bayan noong Sabado.

Samantala, bagama’t may ilang bahay na nasira matapos tamaan ng bala at bomba ay wala namang nalagas sa panig ng militar.

May 9, 2021 0 comment

NATIONAL NEWS RONDA PROBINSYA

Sitwasyon sa Datu Paglas, Maguindanao kontrolado na ng militar

written by DWIZ 882

Inihayag ng mga pwersa ng militar na kontrolado na sa ngayon ay sitwasyon sa Datu Paglas sa Maguindanao makaraang mapigilan ang paglusob sana ng mga miyembro ng BIFF.

Ayon kay 6th Infantry Division Commander Major General Juvymax Uy, ay hindi aniya nilusob ng mga miyembro ng BIFF ang naturang bayan gaya ng mga lumabas sa balita.

Giit ni Uy ay may nagpapatuloy na operasyon ang pwersa ng pamahalaan sa spms box na kinabibilangan ng Shariff Aguak, Datu Saudi, Mamasapano, at Salibo kung saan ay tinutugis ng mga tropa ang mga BIFF.

Paliwanag ni Uy na habang umaatras ang miyembro ng BIFF ay napadaan lamang ito sa palengke sa Datu Paglas at sa halip ay kumuha lamang ng suplay ng makakain, at doon na nagpaputok.

Sa kabila naman nito ay mabuti na lamang ay walang casualties sa panig ng militar maging sa sibilyan.

May 9, 2021 0 comment

Newer Posts

Older Posts