RONDA PROBINSYA

Timbog ang mahigit 200 indibidwal sa Cebu City matapos lumabag sa quaratine protocols.

Kabilang sa mga inaresto ayon sa Emergency Operations Center ng Cebu City ang 122 mula sa isang bar sa Archbishop Avenue at ang iba ay naggagala sa mga lansangan ng face mask.

Sinabi ni EOC Head Councilor Joel Garganera na nagkakasa sila ng surprise inspections sa mga establishment sa lungsod sa ilalim ng ‘Oplan Bulabog’.

Kalunus-lunos ang sinapit ng 4 na indibiduwal kabilang na ang isang bata sa makaraang tambangan ng 4 na salarin sa Zamboanga City.

Batay sa ulat na ipinarating ng Zamboanga City Police Office sa Kampo Crame, nangyari ang karumal-dumal na krimen sa bahagi ng Tugbungan sa nabanggit na lungsod ala-sais kuwarenta kagabi.

Kinilala ang mga biktima na sina Alih Ibno, Fatima Raddaie, Rana Raddaie at ang batang si Aliyanna Ibno na pawang mga residente ng Villa Teressa sa Brgy. Mampang.

Sa paunang pagsisiyasat ng Pulisya, sakay ang mga biktima ng isang SUV at binabagtas ang isang rough road nang tambangan sila ng mga salaring sakay ng 2 motorsiklo.

Tadtad ng bala ng baril sa iba’t ibang bahagi ng katawan ang mga biktima na ayon sa mga imbestigador ay tila binaril ng malapitan at isa-isang binaril sa ulo.

Nakuha sa pinangyarihan ng krimen ang 16 na basyo ngh 9mm kalibreng baril, 6 na basyo ng M16 maging ang tingga ng mga ito.

Naproseso na ng Scene of the Crime Operatives o SOCO ang labi ng mga biktima habang nagpapatuloy naman ang imbestigasyon sa krimen at inaalam kung ano ang pagkakakilanlan gayundin ang motibo ng mga salarin. —ulat mula kay Jaymark Dagala (Patrol 9)

Patuloy ang umanoy pinalakas na recruitment ng BIFF sa Maguindanao.

Sinasabing pinakamalaking bulto ng recruitment ng BIFF ay mga menor de edad mula sa mga liblib na barangay.

Magugunitang ilang lider at miyembro ng BIFF ang nasawi sa inilunsad ng focused military operation ng joint task force central sa Maguindanao.

Mahigit 50% ng COVID-19 cases sa Davao City ay nagmula sa working place o mga trabaho.

Ipinabatid ito ni angel sumagaysay, pinuno ng public safety and security commander center ng Davao City matapos ihayag na mahigit apat na raang kabahayan at mga gusali sa lungsod ang isinailalim sa lockdown sa linggong ito lamang dahil sa pagsirit ng kaso ng COVID-19.

Ayon kay sumagaysay nadala ng mga empleyado sa pag-uwi sa kani kanilang mga pamilya ang virus kaya’t patuloy ang hawahan at pagtaas ng kaso ng virus sa Davao City.

Samantala 12 empleyado ng Davao City hall ang nag positibo sa COVID-19 kayat tatlong departamento nito ang nasa granular lockdown na.

Iginigiit ng isang child advocacy group ang independent investigation sa pagpaslang sa tatlo katao kabilang ang isang 12 anyos na estudyante mula sa tribong lumad sa Lianga, Surigao Del Sur.

Ayon sa CRN Child Rights Network matagal nang itinuturing na kritikal na lugar ang bayan ng Lianga dahil sa armadong pakikibaka rito subalit hindi makatuwiran ang pagpaslang sa mga inosenteng sibilyan lalo pa kung menor de edad.

Bilang pagsunod sa Republic Act 11188 o Special Protection of Children and Situations of Armed Confkict Act.

Nanawagan ang CRN sa Inter-Agency Committee on Children in situations of armed conflict na kaagad mag convene at magsagawa ng imbestigasyon sa nasabing pagpaslang para maibigay ang hustisya sa mga biktima.

Binigyang diin ng crn ang mga probisyon sa ilalim  ng ra 11188 na naglalayong protektahan ang mga kabataang nadadamay sa armed conflict mula sa pang aabuso sa karapatang pantao sa pamamagitan nang pagdedeklara ng chldren zones of peace at obligahin ang gobyerno na parusahan ang mga lumalabag dito