Kalaboso ang 44 anyos na vlogger na si George Budestin makaraang barilin at mapatay nito ang kanyang pinsan na senior citizen na si Ernesto Rafael Budestin dahil sa isyu ng agawan sa lupa sa Bacoor, Cavite.
Sa inisyal na ulat ng Bacoor City Police, nag-ugat ang krimen dahil sa ginawa umanong pagnanakaw ng biktimang si ernesto sa titulo ng lupa at ibinigay ito sa kanyang pangalawang pamilya.
Agad namang naaresto ang suspek na si george matapos na makatanggap ng impormasyon ang mga otoridad na nagtatago ito sa isang subdivision.
Narekober mula sa suspek ang di lisensyadong baril na ginamit nito sa pamamaril at pagpaslang sa biktima.
Sa ngayon, sinampahan na ng kasong murder at illegal possession of firearms si George at isinailalim sa quarantine sa isang isolation facility ng lock-up cell ng Bacoor PNP.