NATIONAL NEWS

Umaasa si urban planner at architect Felino “Jun” Palafox na diringgin mismo ni Pangulong Ferdinand Marcos Junior ang kaniyang mga rekomendasyon bilang solusyon sa problema hindi lamang sa flood control projects, kundi sa lahat ng infrastructure projects sa bansa.

Bagaman aminado si Palafox na linggo-linggo siya nagpapadala ng rekomendasyon, maaaring sa assistant secretary lamang ito ni Pangulong Marcos nakakarating.

Sa gitna ng imbestigasyon sa maanomalya umanong flood control projects, nananawagan naman ang beteranong urban planner sa mga engineers at kapwa arkitekto na isumbong sa pangulo ang nalalamang korapsyon sa mga proyekto.

Samantala, naniniwala si Palafox na may pag-asa pang matuldukan ang matagal ng korapsyon sa mga government infrastructure projects basta’t mayroong “political will” ang gobyerno at mga namumuno.

Layon nitong isulong ang Charter Change upang magkaroon ng constitutional convention o Con-Con na aamyenda sa Saligang Batas partikular ang pagpapababa ng “minimum age requirement” para sa presidente, bise presidente at mga senador.

Ayon kay House Deputy Speaker at La Union Rep. Paolo Ortega V, walang kaugnayan sa alkalde ang inihain na resolusyon dahil hindi naman aniya ang pagsikat o pagtaas ng popularidad ni Sotto ang nag-udyok para magpatawag ng constitutional convention o Con-Con.

Para sa kongresista, maraming mga batang public officials mula sa executive branch at lehislatura ang masisipag at “idealistic” na opisyal.

Iginiit ni Ortega, na mabigat na responsibilidad ang pagiging pangulo, bise presidente at senador kaya ang dapat na suriin ay hindi ang popularidad o pangalan ng isang pulitiko, kundi ang performance nito sa trabaho.

Sinuspinde ng Philippine Postal Corporation ang pagtanggap sa lahat ng mail at parcels na kailangang dalhin sa Amerika.

Nagsimula ang nasabing hakbang nitong Agosto 28 ngunit hindi pa tiyak kung hanggang kailan ito magtatagal.

Isa sa mga dahilan ng supensyon ay ang pagtatanggal ng Amerika sa ‘de minimis exemption’ o ang exemption ng taripa sa mga low-value packages;

Gayundin, dahil sa bagong customs requirements na dinisenyo para mabawasan ang customer inconvenience at service delays.

—sa panulat ni John Riz Calata

Naniniwala si Public Works and Highways Secretary Vince Dizon na marami pa ring matitino at magagaling na kawani sa Department of Public Works and Highways.

Ito’y sa kabila ng mga kontrobersiya sa maanomalyang flood control projects.

Ayon kay Sec. Dizon, inatasan siya ni Pangulong Ferdinand Marcos Jr. na hanapin ang mga tapat na kawani at sila ang ilalagay sa mga sensitibo at kritikal na posisyon para matiyak na magiging maayos at tapat ang pagpapatakbo sa ahensya.

Dagdag pa ng bagong kalihim, hindi layon ng courtesy resignation na ubusin ang mga empleyado ng DPWH, kundi tanggalin lamang ang mga opisyal at kawani na sangkot sa katiwalian.

Mananatili pa rin aniya sa tungkulin ang mga opisyal at empleyado hangga’t hindi tinatanggap ang kanilang pagbibitiw dahil kapag iniwan ng mga ito ang trabaho nang walang pahintulot, maaari silang sampahan ng kasong “abandonment of duties.”

Tiniyak naman ni Sec. Dizon na sa mga susunod na linggo ay unti-unti nang mapupunan ang mga bakanteng posisyon ng mga taong kaagapay ng Pangulo sa paglilinis at reporma sa DPWH upang maibalik ang tiwala ng publiko sa ahensya.

 Inutusan ni bagong Public Works and Highways Secretary Vince Dizon na magsumite ng courtesy resignation ang lahat ng opisyal ng Department of Public Works and Highways.

Kasama sa mga dapat magbitiw ang mga undersecretary, assistant secretary, division head, regional director, at district engineer sa buong bansa.

Ipinatupad din ni Sec. Dizon ang lifetime blacklisting sa mga kontraktor na mapapatunayang sangkot sa substandard o ghost projects.

Ayon sa kalihim, ang direktibang courtesy resignation sa mga nasabing opisyal ay utos mismo ng Pangulo para linisin ang ahensya.

Bukas ang Malacañang na palawigin ang mga serbisyo ng online portal na Sumbong sa Pangulo, na tumatanggap ng mga reklamo laban sa maanomalyang flood control projects.

Tugon ito ng Palasyo kasunod ng panukala ni Sen. Panfilo Lacson na buksan din ang website para sa mga sumbong at reklamo laban sa iba pang kwestyonableng infrastructure projects.

Ayon kay Palace Press Officer at Communications Usec. Claire Castro, sa ngayon ay bukas naman ang 8888 hotline ng gobyerno na maaari ring tumanggap ng mga reklamo laban sa mga maanomolya at kwestyonableng proyekto.

Pero kung makitaan aniya ng pangangailangan ng improvement o pagbabago sa website, bukas ang Malacañang na palawakin ang mga serbisyo ng Sumbong sa Pangulo.

Sinita ng mga senador ang Philippine Contractors Accreditation Board (PCAB) dahil sa sinasabing revolving door policy pagdating sa accreditation ng mga kontratista ng government infrastructure projects na blacklisted na.

Sa pagdinig ng Senate Blue Ribbon Committee, partikular na tinukoy ni Senate Minority Leader Tito Sotto ang construction firms na St. Gerrard at St. Timothy na parehong pagmamay-ari ni Sara Discaya.

Paliwanag ni PCAB Chairperson Pericles Dakay, may limit ang panahon ng blacklisting ng DPWH at kapag natanggal ang blacklisting at walang verified complaint ay nabibigyan muli ng accreditation ang anumang kumpanya.

Bagamat hindi kumbinsido si Senador Sotto sa paliwanag ng PCAB official, ibinunyag niya na sinabi na mismo ni Pangulong Marcos na gusto na nitong sibakin ang ilang opisyal ng PCAB.

Naniniwala ang political analyst na si Professor Froilan Calilung na hindi pogi points ang habol ng kasalukuyang administrasyon sa naging pagtanggap nito sa resignation ni dating Public Works and Highways Secretary Manuel Bonoan.

Ayon kay Professor Calilung, dapat ay noon pa tinanggal o pinag-resign si Bonoan habang matunog pa ang isyu sa kontrobersya sa flood control projects kung dagdag “pogi points” ang target ng administrasyong Marcos.

Ito pa lamang aniya marahil ang unang hakbang ng dating kalihim sa gitna ng patas na imbestigasyon ng Kongreso sa mga sinasabing anomalya sa flood control projects.

Sa kabila nito, umaasa si Calilung na may mananagot ding mga mambabatas at kongresista kahit sila ay kaalyado, kaibigan o kamag-anak ng Pangulo.